इस्रायलकडून हिजबुल्लाहच्या नेत्याचा खात्मा, इराण कडून इस्रायलला धमकी

इस्रायलने लेबननमध्ये एअरस्ट्राई करून हिजबुल्लाह संघटनेचा नेता हसन नरसल्लाहला कंठस्नान घातले आहे. हिजबुल्लाह संघटनेने या वृत्ताला दुजोरा दिला आहे. तर इराणने हिजबुल्लाह संघटनेला पाठिंबा देऊन इस्रायलला धमकी दिली आहे.

इराणचे वरिष्ठ नेते खामनेई यांनी हिजबुल्लाहसोबत खंबीरपणे उभे असल्याचे म्हटले आहे. खामनेई म्हणाले की, शत्रूला या सगळ्यांचा पश्चाताप होईल. लेबननमध्ये निशस्त्र नागरिकांचा खून करण्यात आला आहे. त्यावरून झायोनिवादांचा क्रूर चेहरा जगासमोर आला आहे. अतिक्रमण करणाऱ्या नेत्यांच्या नीती आणि किती मुर्खपणाच्या आहेत हे ही समोर आल्याचे खामनेई म्हणाले.

खामनेई म्हणाले की, या घटनेचा आम्ही बदला घेणार. लेबनानमुळे शत्रूंना पश्चाताप करायची वेळ येईल असेही खामनेई म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.