हरयाणात बेकायदेशीर फटाक्यांच्या कारखान्यात स्फोट, तीन जणांचा मृत्यू
हरयाणामध्ये एका फटाक्यांच्या कारखान्यात स्फोट झाला आहे. हा स्फोट इतका भीषण होता की त्यात तीन जणांचा मृत्यू झाला आहे. तर सात जण जखमी झाले आहेत. धक्कादायक म्हणजे हा कारखाना बेकायदेशीर होता. यात जमखी झालेल्या कामगारांची प्रकृती गंभीर आहे.
सोनीपत जिल्ह्यात वेद नावाची व्यक्ती आपल्या राहत्या घरात एक फटाक्यांचा कारखाना चालवत होता. यासाठी त्याने कुठलीही परवानगी घेतली नव्हती. या फटाक्यांमध्ये जे केमिकल वापरले जात होते, त्यात आग लागली आणि स्फोट झाला.
घटनेची महिती मिळताच अग्निशमन दलाचे जवान घटनास्थळी दाखल झाले. त्यांनी आग विझवली आणि सर्व रुग्णांना जवळच्या रुग्णालयात दाखल केले. जी व्यक्ती हा कारखाना चालवत होता तो फरार झाला आहे. पोलीस त्याचा शोध घेत आहेत.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List