Nagar News – कोपरगावात मोकाट जनावरांच्या झुंजीत एक जण गंभीर जखमी

कोपरगावात मोकाट जनावरांनी धुमाकूळ घातला आहे. या जनावरांच्या झुंजीत एक रहिवासी गंभीर जखमी झाला आहे. जखमीवर ग्रामीण रुग्णालयात प्राथमिक उपचार केल्यानंतर पुढील उपचारासाठी खासगी रुग्णालयात दाखल करण्यात आले आहे.

काही दिवसांपूर्वी मोकाट जनावरांच्या झुंजीमध्ये दुचाकीस्वार आणि महिला किरकोळ जखमी झाल्या होत्या. त्यांचा व्हिडिओही सोशल मीडियावर चांगलाच व्हायरल झाला होता. यानंतर कोपरगाव नगरपालिका प्रशासनाने नावापुरती मोकाट जनावरांना पकडण्याची नाममाञ मोहीम हाती घेतली होती.

मात्र शनिवारी पुन्हा मोकाट जनावरांमुळे एक जण जखमी झाला. मौलाना जैद इलियास खाटीक हे पूजापाठ आवरून घरी जात असताना मोकाट जनावरांच्या झुंजीत सापडल्याने ते गंभीर जखमी झाले.

सध्या कोपरगाव शहरामध्ये मोकाट जनावरांचा प्रश्न ऐरणीवर असून नगरपालिकेने मोकाट जनावरांचा बंदोबस्त करावा. ही जनावरे ग्रामपंचायत कोंडवाड्यात घालावी. नागरिकांना सुरक्षित वावर करण्यासाठी मदत करावी, अशी मागणी नागरिक करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.