ठाण्यात आनंद आश्रमात शिंदेंच्या शिवसेनेच्या पदाधिकाऱ्यांनी नोटा उधळल्या. त्यावरुन संजय राऊतांनी जोरदार टीका केली. दिघे असते तर, हंटरनं फोडून काढलं असतं, असा निशाणा राऊतांनी साधला. तर त्या पदाधिकाऱ्यांना काढून टाकणार, असं मुख्यमंत्री म्हणालेत.
500च्या नोटा उधळल्याचा हा व्हिडीओ मुख्यमंत्री एकनाथ शिंदेंचे गुरु आनंद दिघेंच्या ठाण्यातल्या आनंदाश्रमातला आहे…ढोल वादन सुरु असताना नोटा हवेत भिरकावल्या जात आहेत. गणपती विसर्जनासाठी आलेल्या ढोल पथकानं आनंदाश्रमात ढोल वादन केलं. त्यावेळी शिंदेंच्या शिवसेनेचे पदाधिकारी निखील बुडजूडे आणि नितेश पाटोळे यांनी नोटांची बरसात केली. आनंद दिघेंच्या फोटो ओवाळूनही नोटा उधळण्यात आल्यात. या व्हिडीओनंतर मुख्यमंत्री एकनाथ शिंदेंनी या दोन्ही पदाधिकाऱ्यांना पक्षातून काढून टाकणार असल्याचं म्हटलंय.
पाहा व्हिडीओ:-
आनंदाश्रमातला हा व्हिडीओ सोशल मीडियावरही व्हायरल झालाय. दिघे असते तर लुटीचा पैसा उधळणाऱ्यांना हंटरनं फोडून काढलं असतं, असा संताप संजय राऊतांनी व्यक्त केला. आनंदाश्रमात नोटा उधळल्याचा व्हिडीओ, आनंद दिघेंचे पुतणे आणि ठाकरेंच्या शिवसेनेचे नेते केदार दिघेंनी ट्विट केला..आणि आता ते आनंदाश्रम राहिलं नाही, अशी टीका केदार दिघेंनी केली. ठाण्याच्या टेंभीनाक्यावरील गणपतीच्या विसर्जनावेळी आनंदाश्रमात ढोल वादनानंतर पैसे देण्याची पद्धत असल्यानं नरेश म्हस्केंनी सांगितलं. मात्र कशा पद्धतीनं बक्षिसी किंवा मानधन द्यावं, याचं भान पदाधिकाऱ्यांना राहिलं नाही.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
शारदीय नवरात्रोत्सवास 3 ऑक्टोबरला घटस्थापनेपासून सुरुवात होत आहे. या पार्श्वभूमीवर साडेतीन शक्तिपीठांपैकी एक संपूर्ण पीठ असलेल्या करवीरनिवासिनी श्री अंबाबाई मंदिरातही...
Comment List