कामधंदा करण्याचा सल्ला ऐकताच मुलगा संतापला, जेवणाच्या ताटावरच बापाचा जीव घेतला

कामधंदा करण्यास सांगितल्याने संतापलेल्या मुलाने डोक्यात दगड घालून बापाची हत्या केल्याची घटना धुळ्यात घडली आहे. बापाची हत्या केल्यानंतर मुलगा फरार झाला आहे. बापू पांड्या कुवर असे मयत बापाचे तर विजय कुवर असे आरोपी मुलाचे नाव आहे. शेजाऱ्यांना घटनेची माहिती मिळताच त्यांनी पिंपळनेर पोलिसांना कळवले.

साक्री तालुक्यातील खरगावमध्ये राहणारे बापू कुवर हे शेती करत होते. तर त्यांचा 25 वर्षाचा मुलगा विजय हा काहीच कामधंदा करत नसे. जेवण करत असतानाच बापाने मुलाला काहीतरी कामधंदा करण्याचा सल्ला दिला. पण हा सल्ला ऐकताच मुलगा संतापला आणि बापाच्या डोक्यात दगड घातला. यात त्यांचा मृत्यू झाला.

घटनेची माहिती मिळताच पिंपळनेर पोलिसांनी घटनास्थळी धाव घेत पाहणी केली. बापू यांचा मृतदेह ताब्यात घेत शवविच्छेनासाठी रुग्णालयात पाठवला. विजय हा रागीट स्वभावाचा असून त्याला मानसिक समस्या असल्याचे कळते. पोलिसांनी फरार विजयचा शोध घेण्यासाठी पोलीस पथके रवाना केली आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.