नांदेड शहरातील पंपटवार सुपर मार्केटला भीषण आग; आतापर्यंत आग विजवण्यासाठी अठरा गाड्या तैनात

नांदेड शहरातील पंपटवार सुपर मार्केटला भीषण आग; आतापर्यंत आग विजवण्यासाठी अठरा गाड्या तैनात

हिंगोली गेट कॉम्प्लेक्समधील पंपटवार किराणा सुपरमार्केटमध्ये भीषण आग लागली. या आगीत कोट्यवधी रुपयांचे साहित्य जळून खाक झाले आहे. आग विझविण्यासाठी अग्निशमन दलाच्या 18 गाड्या घटनास्थळी दाखल झाल्या. सुमारे 6 तासांपासून आग धुमसत आहे. या आगीत कोट्यवधींचे आर्थिक नुकसान झाले आहे. मात्र, सुदैवाने जीवितहानी झालेली नाही. आग विझवण्याचे काम अजूनही सुरू आहे. आगीचे कारण अद्याप कळू शकलेले नाही. अग्निशमन विभागाच्या कर्मचाऱ्यांनी ननागरिकांना सुरक्षितपणे बाहेर काढले. तसेच 12 भरलेली सिलिंडरही हटवण्यात आल्याने मोठा अनर्थ टळला आहे.

नांदेड शहरातील हिंगोली गेट परिसरात पंपटवार किराणा सुपरमार्केटमध्ये अचानक भीषण आग लागली. या आगीत कोट्यवधी रुपयांचे साहित्य जळून खाक झाले. आगीची घटना सोमवारी रात्री 11 वाजण्याच्या सुमारास घडली. आग इतकी भीषण होती की संपूर्ण दुकान आणि घराला वेढले. घटनेची माहिती मिळताच अग्निशमन दल आग विझविण्यासाठी घटनास्थळी दाखल झाले. अग्निशमन दलाच्या 18 गाड्या आग विझवण्यासाठी शर्थीचे प्रयत्न करत आहेत. या इमारतीत पंपटवार कुटुंब राहते, ज्यांचेकडे सुपरमार्केट आणि किराणा दुकान आहे. आगीची माहिती मिळताच कुटुंबातील सर्व सदस्यांना आणि 12 भरलेली सिलिंडर सुरक्षितपणे बाहेर काढण्यात आली आहेत. काही वेळातच आगीने भीषण रौद्ररूप धारण केले. घटनेची माहिती मिळताच पोलिस अधिकारी आणि कर्मचाऱ्यांचा मोठा बंदोबस्त तैनात करण्यात आला. आगीमुळे मोठे आर्थिक नुकसान झाले. मात्र, सुदैवाने जीवितहानी झालेली नाही.

अचानक या सुपरमार्केटमध्ये आग लागली आणि काही क्षणातच आगीने भयानक रूप धारण केले. भोईमुंग, सोया आणि तेलाच्या टाक्या जळून खाक झाल्या. या सुपरमार्केटमध्ये गहू, तांदूळ, डाळी, सुकामेवा अशा सर्व प्रकारच्या किराणा मालाला आग लागल्याने सर्व सामान जळून खाक झाले. ही आग शॉर्ट सर्किटमुळे लागली की अन्य कारणामुळे लागली हे अद्याप कळू शकलेले नाही. अग्निशमन दलाच्या कर्मचाऱ्यांना आग आटोक्यात आणण्यात अडचणी येत आहेत. त्यामुळे अग्निशमन विभागाचे कर्मचारी गेल्या सहा तासांपासून ही आग आटोक्यात आणण्यासाठी प्रयत्न करत आहेत. आतापर्यंत अग्निशमन दलाच्या 18 गाड्या तैनात करण्यात आल्या आहेत आणि आग विझवण्याचे काम अजूनही सुरू आहे. या भीषण आगीत सुमारे 3 कोटी रुपयांचे नुकसान झाल्याचा अंदाज आहे.

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

राज्यात पाच IAS अधिकाऱ्यांच्या बदल्या, विवेक जॉन्सन बीडचे नवे जिल्हाधिकारी राज्यात पाच IAS अधिकाऱ्यांच्या बदल्या, विवेक जॉन्सन बीडचे नवे जिल्हाधिकारी
राज्यात आयएएस अधिकाऱ्यांच्या बदल्या सुरुच आहेत. मंगळवारी आणखी पाच अधिकाऱ्यांच्या बदल्या करण्यात आल्या आहेत. यातच बीड जिल्ह्याचे जिल्हाधिकारी अविनाश पाठक...
हिंदीची सक्ती केली तर मी मरेन! भाजप आमदाराची झाली गोची
Pahalgam Terror Attack – पहलगाम दहशतवादी हल्ल्यात 27 पर्यटकांचा मृत्यू, सूत्रांची माहिती
IPL 2025 – भाऊ तुला मानलं! युवा खेळाडूंसाठी शिवम दुबेकडून लाखमोलाच्या मदतीची घोषणा
तारक मेहता का उल्टा चष्मामधील अभिनेत्याने जीवन संपवले, आर्थिक अडचणींमुळे उचलले टोकाचे पाऊल
Pahalgam Terror Attack – पर्यटकांवरील भ्याड हल्ल्याचा निषेध, केंद्राचे पोकळ दावे उघड, राहुल गांधींची टीका
Chandrapur News – शहरातील विविध वार्डात भीषण पाणीटंचाई, रोज 180 टँकर फेऱ्या; प्रशासन ढिम्म