आपल्या दैनंदिन जीवनात आपल्या खाण्यावरुनच आपल्या निरोगी आयुष्याची व्याख्या ठरते. निरोगी खाण्याबद्दल चर्चा होताना, फळे आणि भाज्या निश्चितच त्याचा एक भाग असतात. पोषक तत्वांनी समृद्ध असलेली फळे, भाज्या याचे आरोग्यासाठी असंख्य फायदे आहेत. विशेषतः महिलांसंदर्भात बोलताना, निरोगी राहण्यासाठी महिलांनी त्यांच्या आहारात काही खास गोष्टींचा समावेश केला पाहिजे. केळी महिलांसाठी खूप फायदेशीर आहे. शरीरातील रक्ताची कमतरता दूर करण्यापासून ते मासिक पाळीशी संबंधित समस्या कमी करण्यापर्यंत, केळी खाण्याचे अनेक फायदे आहेत. महिलांनी दररोज एक केळं का खायला हवं यामागची कारणे जाणून घेऊया.
केळीमध्ये पोटॅशियम, मॅग्नेशियम, व्हिटॅमिन बी6 आणि व्हिटॅमिन सी असते. केळीमुळे जळजळ कमी होते असे तज्ज्ञांचे म्हणणे आहे.
केळी खाल्ल्याने स्नायूंना आराम मिळतो आणि मासिक पाळीच्या दरम्यान होणारा त्रास कमी होतो. हे गर्भाशयाच्या स्नायूंचे आकुंचन कमी करते.
केळीमध्ये व्हिटॅमिन बी6 असते. जर महिलांनी दररोज एक केळ खाल्ले तर पीएमएसच्या दिवसांमध्ये होणाऱ्या समस्या कमी होतील.
दररोज एक केळं खाल्ल्याने शरीराला शक्ती मिळेल आणि अशक्तपणा दूर होईल.
दररोज 1 केळं आहारात समाविष्ट केल्यास, पचनाशी संबंधित समस्या दूर होतील आणि पचन सुधारेल. गॅस, बद्धकोष्ठता आणि आम्लपित्त कमी होते आणि पोट सहज साफ होते.
महिलांना अनेकदा थकवा आणि अशक्तपणा जाणवतो, अशावेळी दररोज एक केळं खाल्ल्याने ही समस्या दूर होईल आणि शरीरात ऊर्जा राहील.
दररोज 1 केळं खाल्ल्याने वजन कमी होण्यास मदत होईल. महिलांनी जर दररोज त्यांच्या आहारात एक केळी समाविष्ट केली तर त्यांचे पोट बराच काळ भरलेले राहील आणि त्या अतिरिक्त कॅलरीज खाण्यापासून वाचतील.
केळीमध्ये ट्रिप्टोफॅन असते. यामुळे चांगली झोप येण्यास मदत होते.
केळी पोटॅशियमचा चांगला स्रोत आहे. यामुळे रक्ताभिसरण सुधारते. हे रक्तदाब आणि कोलेस्टेरॉल कमी करते. यामुळे हाडेही मजबूत होतात. हे मानसिक आरोग्य वाढविण्यास देखील मदत करते.
About The Author
Comment List