IPL 2025 – संजू सॅमसनच्या जागी 14 वर्षीय वैभव सूर्यवंशीला संधी, ठरला आयपीलमधील सर्वात तरुण खेळाडू

राजस्थान रॉयल्सचा कर्णधार संजू सॅमसन दुखापतीमुळे लखनौ सुपरजायंट्स विरोधातील सामना खेळू शकणार नव्हता. त्यामुळे त्याच्या जागी 14 वर्षीय वैभव सूर्यवंशी याची संघात वर्णी लागली आहे. अवघ्या 14 व्या वर्षी आयपीएलमध्ये पदार्पण करणारा वैभव हा आयपीएल इतिहासातील सर्वात तरुण खेळाडू ठरला आहे.

27 मार्च 2011 ला जन्मलेला वैभव हा डावखुरा फलंदाज आहे. अंडर 19 च्या ऑस्ट्रेलियाविरोधातील सामन्यात वैभवने शतक लगावले होते. त्यानंतर दोन महिन्यातच त्याला आयपीएलची लॉटरी लागली. आयपीलसाठी राजस्थानने त्याला विकत घेतलं तेव्हा तो 13 वर्षांचा होता. राजस्थानने त्याला 1.1 कोटी अशा तगड्या किमतीत विकत घेतले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.