Nagpur News – नागपूरमध्ये भांडेवाडी डंपिंग ग्राऊंडला भीषण आग, अग्नीशमन दलाचा एक बंबही जळून खाक

नागपुरातील भांडेवाडी डंपिंग ग्राऊंडला शनिवारी दुपारी भीषण आग लागली. या आगीत अग्नीशमन दलाचा एक बंबही जळून खाक झाला. आग आटोक्यात आणण्यासाठी अग्निशमन दलाचे जवान अथक प्रयत्न करीत आहेत. सुदैवाने यात कोणतीही जीवितहानी झाल्याची माहिती अद्याप नाही. मात्र आसपासच्या परिसरातील नागरिकांना धुरामुळे श्वास घेण्यास त्रास होत आहे.

स्थानिकांनी दिलेल्या माहितीनुसार, प्रथन शनिवारी सकाळी 10 वाजण्याच्या सुमारास डंपिंग ग्राऊंडला आग लागली. मात्र अग्नीशमन दलाच्या दोन गाड्यांनी ही आग आटोक्यात आणली. त्यानंतर दुपारी 1 च्या सुमारास पुन्हा आग भडकली आणि पाहता पाहता आगीने रौद्ररुप धारण केले.

अग्नीशमन दलाने आग विझवण्यासाठी शर्थीचे प्रयत्न सुरु केले. यादरम्यान आग विझवत असताना अग्नीशमन दलाच्या एका बंबाने आग पकडली. आगीत बंब जळून खाक झाला. चालकाने तात्काळ वाहनातून उडी घेतल्याने तो बचावला. अग्नीशमन दलाकडून आग विझवण्यासाठी शर्थीचे प्रयत्न सुरु आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.