IPL 2025 ठरलं तर…! मुंबईच्या गोलंदाजीची धार वाढणार, जसप्रीत बुमराह RCB विरुद्ध मैदानात उतरणार

पहिल्या चार लढतीत तीन सामने गमावून गुणतालिकेत आठव्या स्थानावर घसरलेल्या मुंबई इंडियन्स संघ आणि मुंबईच्या चाहत्यांसाठी गुड न्यूज आहे. मुंबईचा वेगवान गोलंदाज जसप्रीत बुमराह मैदानात उतरण्यासाठी सज्ज झाला आहे. सोमवारी वानखेडे मैदानात रॉयल चॅलेंजर्स बंगळुरू संघाविरुद्ध होणाऱ्या लढतीत बुमराह खेळणार आहे. मुंबईचे कोच महेला जयवर्धने यांनी रविवारी झालेल्या पत्रकार परिषदेत याबाबत माहिती दिली.

हार्दिक पंड्या सोशल मीडियावर होतोय ट्रोल

मुंबई इंडियन्स संघाचा कर्णधार हार्दिक पंड्याने शुक्रवारी हैदराबादविरुद्धचा सामना आपल्या अष्टपैलू कामगिरीने जिंकण्याच्या दिशेने घोडदौड केली होती. मात्र, सेट झालेल्या तिलक वर्माला रिटायर्ड हर्ट करून स्वतः ही फलंदाजी करताना अखेरच्या षटकांत कच खाल्ली अन् मुंबईच्या हातातोंडाशी आलेला विजय निसटला. त्यामुळे अष्टपैलू कामगिरीत पास झालेला पंड्या संघाचे नेतृत्व करताना मात्र नापास ठरला. त्यामुळे आज दिवसभर सोशल मीडियावर मुंबई इंडियन्सचा हा कर्णधार भलता ट्रोल होताना दिसला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.