Plane Crash – दक्षिण फिलीपिन्समध्ये अमेरिकन लष्कराचे विमान कोसळले, चौघांचा मृत्यू

अमेरिकन लष्कराचे एक विमान मिशनदरम्यान फिलीपीन्समध्ये कोसळल्याची घटना समोर आली आहे. या दुर्घटनेत विमानातील चारही जणांचा मृत्यू झाला आहे. मृतांमध्ये एक अमेरिकन सेवा सदस्य आणि तीन संरक्षण कंत्राटदारांचा समावेश आहे. फिलीपिन्सच्या नागरी विमान वाहतूक प्राधिकरणाने अपघाताची पुष्टी केली आहे. अपघात कशामुळे झाला हे अद्याप कळू शकले नाही.

अपघातग्रस्त विमान फिलीपिन्स सैन्याच्या विनंतीवरून गुप्तचर माहिती, पाळत ठेवणे आणि मदत पुरवत होते, असे यूएस इंडो-पॅसिफिक कमांडने एका निवेदनात म्हटले आहे. गुरुवारी नियमित मिशनवर असताना फिलीपीन्समधील अम्पातुआन शहरात विमान दुर्घटनाग्रस्त झाले. ढिगाऱ्याखालून चौघांचे मृतदेह बाहेर काढण्यात आले आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.