Mahakumbh 2025 प्रयागराज येथे मौनी अमावस्येनिमित्त संगम घाटाजवळ अमृतस्नानासाठी प्रचंड गर्जी झाली होती. या गर्दीच्या रेट्यामुळे चेंगराचेंगरीची दुर्घटना घडली असून यात सुमारे 10 जणांचा मृत्यू झाला असून अनेकजण जखमी झाले आहेत. या घटनेची माहिती सर्व वृत्तवाहिन्या आणि समाजमाध्यमांवरही व्हायरल झाले आहेत. या दुर्घटनेत 10 जणांचा मृत्यू झाला असून अनेकजण जखमी झाले आहेत, तरीही या घटनेबाबत पोलिसांनी वेगळेच वक्तव्य केले आहे. या ठिकाणी चेंगराचेंगरी घडलीच नाही, असे पोलिसांनी म्हटले आहे. पोलिसांच्या या भूमिकेवर सर्वत्र संताप व्यक्त करण्यात येत आहे.
प्रयागराज येथील महाकुंभात झालेल्या चेंगराचेंगरीची घटना आणि त्यात 10 हून अधिक लोकांचा मृत्यू झाला आहे. या घटनेनंतर प्रशासनाच्या दुर्लक्षाबाबत आणि तेथील गैरसोयीबाबत देशभरातून नाराजी व्यक्त होत आहे. मात्र, कुंभनगरचे एसएसपी राजेश द्विवेदी यांच्या विधानामुळे एक नवीन वाद निर्माण होण्याची शक्यता आहे. त्यांनी चेंगराचेंगरीच्या घटनेचा इन्कार केला आहे. एका वृत्तसंस्थेशी बोलताना त्यांनी सांगितले की, महाकुंभ मेळ्यात चेंगराचेंगरीची कोणतीही घटना घडलेली नाही.
गर्दीमुळे ही घटना घडली आणि त्यात काही लोक जखमी झाल्याचे त्यांनी सांगितले. एसएसपी राजेश द्विवेदी यांच्या या विधानामुळे सोशल मीडियावर संताप व्यक्त होत आहे. पोलिसांच्या या विधानांवर नेटकरी नाराजी व्यक्त करत असून संतपा व्यक्त केला आहे. अनेकांनी या अपघातासाठी त्याच्या गैरव्यवस्थापनाला जबाबदार धरले आहे. एसएसपी राजेश द्विवेदी त्यांच्या या वक्तव्यामुळे सध्या चर्चेत आहेत.
राजेश द्विवेदी म्हणाले की, येथे चेंगराचेंगरीचा प्रश्नच नव्हता. गर्दी थोडी जास्त होती, त्यामुळे काही भाविक जखमी झाले. यासोबतच, त्यांनी सांगितले की लोकांनी कोणत्याही अफवांवर विश्वास ठेऊ नये आणि जे घाट कमी गर्दीचे आहेत तिथेच आंघोळ करावी. मूळचे उत्तर प्रदेशातील मिर्झापूर येथील आयपीएस राजेश द्विवेदी यांनी पदवीनंतर एमबीए पर्यंत शिक्षण घेतले आहे. त्यांनी यूपी एटीएस, यूपी एसटीएफमध्ये सेवा देण्याव्यतिरिक्त, अनेक जिल्ह्यांमध्ये डीएसपी, अतिरिक्त एसपी आणि जिल्हा पोलिस कॅप्टन म्हणूनही काम केले आहे.
Comment List