सिनेमा म्हटलं की लग्न, अफेअर, घटस्फोट, ड्रामा या सगळ्या गोष्टी त्यात आल्याचं. मात्र फक्त सिनेमातच नाही तर प्रत्येक सेलिब्रेटींच्या आयुष्यात अशा गोष्टी घडत असतात. अनेकजण त्यांच्या वैयक्तिक आयुष्याबद्दल मुलाखतीत बोलताना दिसातात, तर अनेकजण याबाबत मौन बाळगणचं पसंत करतात. आता पर्यंत अनेक सेलिब्रेटींनी आपले अनुभव प्रेक्षकांसोबत शेअर केले आहेत. अशातच आता सध्या चर्चा आहे ती म्हणजे बिग बॉस फेम मराठमोळी अभिनेत्री मीरा जगन्नाथची.
अभिनेत्री मीरा जगन्नाथने “माझ्या नवऱ्याची बायको” आणि “ठरलं तर” या मराठी मालिकांमध्ये काम केलं आहे. यानंतर ती बिग बॉस मराठीच्या 3 सीझन मध्ये दिसली. या शोमुळे मीराला प्रचंड प्रसिद्धी मिळाली. दरम्यान, आता मीरा एका मुलाखतीत तिच्या लव्ह लाईफबद्दल बोलली आहे. मीरा एका मुलासोबत रिलेशनशिपमध्ये असल्याचे तिने सांगितलं. मात्र, तो मुलगा तिच्याशी लग्न करणार नसल्याचे त्याने सांगितले होतं. त्यामुळे त्या मुलाशी नाते तोडून तिने आयुष्यात पुढे जाण्याचा निर्णय घेतला, असे ती एका मुलाखतीत म्हणाली आहे.
मीराचा ब्रेकअप झाल्यानंतर तिचं दुसऱ्या एका मुलासोबत लग्न ठरलं. साखरपुडा आणि लग्न ठरलं. सगळं काही सुरळीत सुरू असताना साखरपुड्याच्या दिवशी तिच्या एक्स बॉयफ्रेंडने तिला कॉल केला. “हे लग्न करू नको. मी आलोय, मला येऊन भेट, असं त्याने मीराला सांगितलं. एक्स बॉयफ्रेंडच्या सांगण्यावर विश्वास ठेवून मीराने साखरपुडा मोडला, असं मीरा म्हणाली.
मी साखरपुडा मोडला आणि त्याला भेटायला निघून गेली. पण झालं काहीतरी भलतंच. मी गेली पण माझा बॉयफ्रेंड मला भेटायला आलाच नाही. आणि पुन्हा त्याने माझ्याशी संपर्क करण्याचा प्रयत्नही केला नाही. या सगळ्या गोष्टीत माझ्या घरच्यांना फार त्रास झाला. मलाही याचा मोठा धक्का बसला, असा भयंकर अनुभव मीराने शेअर केला आहे.
Comment List