जगविख्यात तबलावादक उस्ताद झाकीर हुसेन यांची प्रकृती चिंताजनक असून त्यांना सॅन फ्रान्सिस्को येथील रुग्णालयात दाखल करण्यात आले आहे. त्यांच्यावर अतिदक्षता विभागात उपचार सुरू आहेत. त्यांच्या प्रकृतीबाबत अनेक वृत्ते येत होती. त्याचे कुटुंबीयांकडून खंडन करण्यात आले.
गेल्या अनेक वर्षांपासून झाकीर हुसेन अमेरिकेत वास्तव्याला आहेत. अलीकडेच त्यांची प्रकृती खालावल्याने त्यांना रुग्णालयात दाखल करण्यात आले होते. त्यानंतर त्यांची प्रकृती उत्तम होती. दरम्यान, आज प्रकृती पुन्हा खालावल्याने त्यांना रुग्णालयात दाखल करण्यात आले आहे. त्यांना हृदयविकाराचा त्रास असून त्यांची प्रकृती गंभीर आहे, असे सांगण्यात आले.
निधनाचे वृत्त चुकीचे, बहिणीने केले स्पष्ट
झाकीर हुसेन यांच्या प्रकृतीबाबत माध्यमांत उलटसुलट बातम्या प्रसारित झाल्या. माहिती आणि प्रसारण मंत्रालयानेही एक्स माध्यमावर पोस्ट केली. मात्र, या पोस्ट रात्री उशिरा मागे घेण्यात आल्या. झाकीर हुसेन यांची प्रकृती चिंताजनक आहे. त्यांना प्रकृतीस्वास्थ्य लाभावे यासाठी प्रार्थना करा, अशी पोस्ट त्यांचा भाचा अमीर औलिया याने केली. बहीण खुर्शीद औलिया यांनीही झाकीर यांच्या निधनाच्या बातम्या चुकीच्या असल्याचे नमूद केले.
Comment List