विरारमध्ये पुन्हा तेच! तावडेंनंतर मिंधे गटाच्या कार्यकर्त्याला पैसे वाटप करताना पकडले, धूधू धुतले

विरारमधील विवांता हॉटेलमध्ये भाजपचे राष्ट्रीय सरचिटणीस विनोद तावडे हे पैसे वाटप करत असताना त्यांना रंगेहाथ पकडल्याचा आरोप बहुजन विकास आघाडीने केला. त्यानंतर बरेच तास त्या विवांता हॉटेलमध्ये बहुजन विकास आघाडीकडून विनोद तावडे यांना अडवून ठेवण्यात आले होते. याच दरम्यान आणखी बहुजन विकास आघाडीच्या कार्यकर्त्यांनी एका मिंधे गटाच्या कार्यकर्त्याला देखील पैसे वाटप करताना पकडल्याचे समोर आले आहे. या कार्यकर्त्याला बविआच्या कार्यकर्त्यांनी रंगेहाथ पकडल्यानंतर त्याला चांगलाच चोप दिला. सुदेश चौधरी असे त्याचे नाव असून तो मिंधे गटाचा तालुकाप्रमुख आहे. या घटनेचा व्हिडीओ सोशल मीडियावर मोठ्या प्रमाणात व्हायरल झाला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.