आणखी एका लोकप्रिय भूमिकेने ‘तारक मेहता..’ला केला रामराम; चाहते नाराज
'तारक मेहता का उल्टा चष्मा' ही मालिका गेल्या अनेक वर्षांपासून प्रेक्षकांचं मनोरंजन करतेय. मनोरंजनासोबतच ही मालिका विविध कारणांसाठी वादग्रस्त ठरली. नुकतंच या मालिकेचा आणखी एका अभिनेत्रीने निरोप घेतला आहे.
या मालिकेत आत्माराम भिडेची मुलगी सोनू भिडेची भूमिका साकारणारी अभिनेत्री पलक सिंधवानीने निरोप घेतला आहे. गेल्या काही दिवसांपासून पलक आणि मालिकेचे निर्माते यांच्यातील वाद चर्चेत आहे.
पलकवर करार मोडल्याचा आरोप करत निर्मात्यांनी तिला कायदेशीर नोटीस बजावली होती. त्यानंतर पलकनेही मालिकेच्या निर्मात्यांचे सर्व आरोप फेटाळले होते. अखेर तिने या मालिकेला रामराम केला आहे.
सेटवरील काही फोटो पोस्ट करत पलकने सोशल मीडियावर भावनिक पोस्ट लिहिली आहे. पलक गेल्या पाच वर्षांपासून या मालिकेत सोनूची भूमिका साकारतेय. या पोस्टमध्ये तिने प्रेक्षकांचे मनापासून आभार मानले आहेत.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List