ऑक्टोबर हिटचा पहिलाच दिवस ‘हिट’
पावसाने परतीची वाट धरताच ठाण्यात ऑक्टोबर हिटचा तडाखा जाणवू लागला असून नागरिक घामाने बेजार होऊ लागले आहेत. ऑक्टोबर हिटचा पहिलाच दिवस ‘हिट’ ठरला असून ठाण्यात आज कमाल 35 अंश सेल्सिअस तापमानाची नोंद पालिकेच्या आपत्ती विभागाने केली आहे. दुपारी 3 वाजण्याच्या सुमारास चटके बसू लागल्याने अंगाची लाहीलाही झाली. उन्हाचा तडाखा टाळण्यासाठी भरदुपारी बाहेर पडू नये, असा सल्ला डॉक्टरांनी दिला आहे. दरम्यान येत्या काही दिवसांत उन्हाचा पारा वाढणार असून चक्कर येणे, उलटी आणि जुलाबासारखे आजार बळावण्याची शक्यता पालिकेच्या आरोग्य विभागाने वर्तवली आहे.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List