Sushant Shelar Health Update: अभिनेता सुशांत शेलार याने अनेक सिनेमांमध्ये महत्त्वाची भूमिका बजावत चाहत्यांचं मनोरंजन केलं. चाहत्यांनी देखील अभिनेत्याला भरभरून प्रेम दिलं. पण नुकताच समोर आलेल्या एका व्हिडीओमुळे सुशांत याच्या प्रकृतीबद्दल चाहत्यांनी चिंता व्यक्त केली. ‘धर्मवीर 2’ सिनेमाच्या ग्रँड प्रीमियरमध्ये अभिनेत्याला ओळखणं देखील कठीण झालं होतं. आता अभिनेत्याच्या प्रकृतीबद्दल मोठी माहिती समोर येत आहे. काही दिवसांपूर्वीच ‘धर्मवीर 2’ चित्रपटाचा ग्रँड प्रीमियर कार्यक्रम पार पडला. प्रीमियरनंतर अभिनेत्याच्या प्रकृतीची चर्चा रंगली.
सुशांत शेलारयाचा व्हिडीओ व्हायरल झाल्यानंतर अभिनेत्याला कोणता आजार झाला आहे का? अशी चर्चा चाहत्यांमध्ये रंगू लागली. यावर खुद्द अभिनेत्याने माहिती दिली आहे. ‘मला कोणताही आजार झालेला नाही. माझी प्रकृती स्थिर आहे. तुम्ही व्यक्त केलेली चिंता आणि काळजी याचा आरद राखतो…’
पुढे अभिनेता म्हणाला, ‘आगामी सिनेमा ‘रानटी’ साठी वजन कमी केलं आहे. डॉक्टरांच्या सल्ल्याने वजन कमी केलं आहे. एवढंच नाही तर, सिनेमाच्या शुटिंग दरम्यान तीन ते चार वेळा फूड पॉयझनिंग झाली. त्यामुळे देखील अभिनेत्याचं वजन कमी झालं आहे.
डॉक्टरांनी दिलेल्या माहितीनुसार, अभिनेत्याला ग्लुटनसह इतर काही पदार्थांची ॲलर्जी होती. त्यामुळे डॉक्टरांनी अभिनेत्याला काही पदार्थ न खाण्याचा देखील सल्ला दिला आहे. सध्या सर्वत्र फक्त आणि फक्त सुशांत शेलार याच्या प्रकृतीची चर्चा रंगली आहे.
कोणते पदार्थ सुशांत शेलार याला वर्ज्य?
Food Poisoning नंतर डॉक्टरांनी अभिनेत्याला काही पदार्थ खाण्यास मनाई केली आहे. गहू शिवाय वडापाव, बटाटा, दूध यांसारखे पदार्थ अभिनेत्याला वर्ज्य आहे. मिळालेल्या माहितीनुसार, सुशांत शेलार याचं वजन 8 ते 10 किलो वजन कमी झालं आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List