मराठा आंदोलक मनोज जरांगे पाटील आक्रमक झाले असून त्यांनी उपमुख्यमंत्री देवेंद्र फडणवीस यांना पुन्हा इशारा दिला आहे. देवेंद्र फडणवीसांना कितीही गणितं करू द्या, मी त्यांची सगळी गणितं फेल करणार, असा हल्लाबोल मनोज जरांगे यांनी केला आहे. तुम्ही महाराष्ट्राच्या मराठ्यांना मूर्ख समजता का? असा थेट सवालही मनोज जरांगे यांनी केला आहे. आमच्या मागण्या मान्य करा नाहीतर सर्वांचं राजकीय करिअर उद्ध्वस्त करून टाकेन, असा इशाराही त्यांनी महायुती सरकारला दिला.
दुसऱ्याला मूर्ख समजायला लागलेत का? दोन-तीन दिवसात सगळे विषय मार्गी लावा. जास्त नाटकं करायचं नाहीत. प्रक्रिया चालू आहे, वाचत आहोत, हरकती आल्या आहेत, हे बघतो ते बघतो, केसेस पोलीस बघताहेत, ही नाटकं करायची नाहीत. मी रस्त्यावर आलो, राजकीय वाटेवर आलो तर तुमचा खेळ खल्लास, असा इशारा मनोज जरांगे यांनी दिला.
धनगरांना आणि मुसलमानांनाही फडणवीसांचा अडथळा होता. शेतकऱ्यांच्या प्रश्नालाही तेच अडथळा आहेत. गोरगरीब ओबीसींच्या आणि मराठ्यांच्या प्रश्नाला तेच अडथळा आहेत. सरपंचाचा काही उपयोग नाही, सध्या उपसरपंच सर्व कारभार हाकतो. देवेंद्र फडणवीस सर्व कारभार पाहतात, सरपंचाच्या हातात काही नाही, असे म्हणत मनोज जरांगे यांनी उपमुख्यमंत्री देवेंद्र फडणवीस यांना टोला लगावला.
Comment List