गोळ्यांच्या आवाजाने अमेरिका पुन्हा हादरली आहे. अमेरिकेच्या अलबामा येथे गोळीबार झाल्याची घटना घडली आहे. यामध्ये 4 लोकांचा मृत्यू झाला असून बाराहून अधिक लोकं जखमी झाले आहेत. ही घटना शनिवारी रात्री उशीरा घडली आहे. पोलिसांनी सांगितले की, अधिकाऱ्यांनी एक मोठा गोळीबार झाल्याचा रिपोर्ट दाखल केला आहे.
बर्मिंगहॅम पोलीस विभागाकडून एक्सवर एका पोस्टमध्ये लिहीले की, अधिकारी अनेक लोकांना गोळी लागल्याच्या घटनेनंतर घटनास्थळी पोहोचले. ज्यामध्ये अनेक लोकं जखमी झाल्याची शक्यता आहे. हा गोळीबार शहराच्या फाइव्ह पॉईण्ट साऊथ परिसरात झाला आहे. मीडीया वृत्तानुसार, गोळीबारात 4 लोकांचा मृत्यू झाला असून बाराहून अधिक लोकं जखमी झाली आहेत.
बर्मिंगहॅम पोलिस आणि अग्निशामक फाइव्ह पॉइंट्स साउथजवळच्या गोळीबाराचा तपास करत आहेत.
Comment List