चोरीप्रकरणी मोलकरणीला अटक

महिलेच्या घरी चोरीप्रकरणी मोलकरणीला ओशिवरा पोलिसांनी अटक केली. कीर्ती पाटील असे तिचे नाव आहे. तिला अटक करून न्यायालयात हजर केले होते. तक्रारदार महिला या अंधेरी येथे राहतात. त्यांची आई आजारी असल्याने त्यांच्या देखभालीसाठी त्यानी महिला नोकर कामाला ठेवली होती. एका महिला मोलकरणीच्या मुलीचा वाढदिवस असल्याने तिच्या बदली पर्यायी नोकर म्हणून एका महिलेला कामाला ठेवले होते.

रात्री त्या मोलकरणीने तक्रारदार यांना पह्न करून पगाराबाबत विचारणा केली. पगार परवडत नसल्याचे सांगितल्यावर ती महिला नोकर घरातून निघून गेली. काही वेळाने तक्रारदार या तेथे आल्या. त्यांनी बेडरूममधील कपाट उघडले असता दहा लाख रुपये किमतीच्या सोन्याच्या वस्तू चोरीला गेल्याचे लक्षात येताच महिलेने ओशिवरा पोलीस ठाण्यात धाव घेतली. महिलेच्या तक्रारीवरून पोलिसांनी गुन्हा नोंद केला आहे. तपासासाठी एक पथक तयार केले. तपासादरम्यान पोलिसांना महत्त्वपूर्ण माहिती मिळाली. त्या आधारे पोलिसांनी कीर्तीला ताब्यात घेतले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.