Ratnagiri News – गणपतीपुळे समुद्रात पोहायला गेलेले दोघे बुडाले, मयत JSW कंपनीचे कर्मचारी

गणपतीपुळे येथील समुद्रात पोहायला गेलेल्या दोघांचा बुडून मृत्यू झाल्याची घटना रविवारी रत्नागिरीत घडली. पाण्याचा अंदाज न आल्याने दोघेही पाण्यात बुडाले. दोघांची अद्याप ओळख पटली नाही. पोलिसांनी घटनेची नोंद करत पुढील तपास सुरू केला आहे.

JSW कंपनीचे तिघे कर्मचारी रविवारी गणपतीपुळे येथे फिरायला गेले होते. यापैकी दोघे जण समुद्रात पोहायला गेले. मात्र पाण्याचा अंदाज न आल्याने ते समुद्रात बुडू लागले.

समुद्रकिनाऱ्यावरील जीवरक्षकांच्या ही बाब लक्षात येताच त्यांनी तात्काळ पाण्यात उडी घेत दोघांना वाचवण्याचे प्रयत्न केले. मात्र जीवरक्षक त्यांच्यापर्यंत पोहचण्यापूर्वीच दोघांचा मृत्यू झाला होता.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.