जम्मू-काश्मीरमधील कठुआमध्ये चकमक, एक दहशतवादी ठार तर एक जवान शहीद

जम्मू-काश्मीरमधील कठुआ येथे दहशतवादी आणि सुरक्षा दलामध्ये रविवारी चकमक झाली. या चकमकीत एका दहशतवाद्याचा खात्मा झाला आहे. तर दहशतवाद्याचा खात्मा करणारा एक पोलीस कर्मचारी शहीद झाला. या कारवाईत इतर काही सुरक्षा कर्मचारी जखमी झाले असून त्यांच्यावर उपचार सुरू आहेत.

वरिष्ठ पोलीस अधिकारी घटनास्थळी दाखल झाले असून तपास करत आहेत. इतर दहशतवाद्यांची शोध मोहीम सध्या सुरू आहे.

कठुआच्या मांडलीमध्ये तीन ते चार दहशतवादी लपल्याची माहिती शुक्रवारी पोलिसांना मिळाली. मिळालेल्या माहितीनुसार पोलिसांनी सदर परिसरात शोध मोहीम सुरू केली. यावेळी दहशतवादी आणि सुरक्षा कर्मचारी यांच्यात गोळीबार झाला.

हे परदेशी दहशतवादी असल्याची माहिती मिळते. शोध मोहिमेनंतर अधिक तपशील समोर येतील, असे एका उच्च पोलीस अधिकाऱ्याने सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.