मलायकाच्या वडिलांची आत्महत्या; अरबाज, अर्जुनसह खान कुटुंबातील हे सदस्य पोहोचले घटनास्थळी
अभिनेत्री मलायका अरोराचे वडील अनिल अरोरा यांनी आत्महत्या केल्याची बातमी समोर येत आहे. मुंबईतल्या वांद्रे इथल्या इमारतीच्या सहाव्या मजल्यावरून उडी मारून त्यांनी आत्महत्या केल्याची माहिती पोलिसांनी दिली.
वडिलांच्या आत्महत्येविषयी समजताच मलायका पुण्याहून मुंबईला परतली. काही कामानिमित्त ती पुण्याला गेली होती.
मलायकाच्या पाठोपाठ तिची छोटी बहीण अमृता अरोरासुद्धा घटनास्थळी पोहोचली. अनिल अरोरा हे मलायका आणि अमृता यांचे वडील असून त्यांच्या आईचं नाव जॉइस पॉलिकार्प असं आहे.
अरबाजसोबतच त्याच्या कुटुंबातील इतर सदस्यही या कठीण काळात मलायकाच्या बाजूने उभं राहण्यासाठी याठिकाणी पोहोचले. सलमान आणि अरबाजचे वडील सलीम खान घटनास्थळी पोहोचले आहेत.
अरबाजची आई सलमा खानसुद्धा याठिकाणी पोहोचल्या होत्या. त्यांच्यासोबत अरबाजचा भाऊ सोहैल खान आणि त्याचा मुलगाही होता.
अरबाजची बहीण अलविरा खानसुद्धा घटनास्थळी पोहोचली. अरबाज आणि मलायका हे 19 वर्षे विवाहबंधनात होते. त्यामुळे अरबाजच्या कुटुंबीयांशी मलायकाचं अजूनही खास नातं आहे.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List