दिग्दर्शकाने 12 वर्ष लहान अभिनेत्रीसोबत थाटला संसार, पण 2 वर्षात मोडला संसार कारण…
बॉलिवूडमध्ये असे अनेक कपल्स आहेत, ज्यांनी वयामध्ये असलेलं अंतर न पाहाता जोडीदारासोबत लग्न केलं. पण काही सेलिब्रिटी कपल असे देखील आहेत, ज्यांचं नातं लग्नानंतर फार काळ टिकलं नाही. अखेर त्यांनी विभक्त होण्याचा निर्णय घेतला. असंच काही बॉलिवूडच्या एका प्रसिद्ध अभिनेत्रीसोबत देखील झालं आहे. अभिनेत्रीने स्वतःपेक्षा 12 वर्ष मोठ्या दिग्दर्शकासोबत लग्न केलं. पण अभिनेत्रीचं नातं फार काळ टिकलं नाही. अखेर दोघांनी विभक्त होण्याचा निर्णय घेतला. घटस्फोटानंतर खुद्द अभिनेत्री दुःख व्यक्त केलं होतं.
सध्या ज्या सेलिब्रिटी कपलची चर्चा रंगली आहे, ते दोघे इतर कोणी नाही तर, अभिनेत्री कल्की केक्ला आणि दिग्दर्शक अनुराग कश्यप आहे. डेट आणि त्यानंतर लग्न केल्यानंतर काही वर्षांत दोघांनी घटस्फोटाचा निर्णय घेतला. यावर एका मुलाखतीत अभिनेत्रीने मोठं वक्तव्य केलं होतं.
अभिनेत्री म्हणाली होती, ‘घटस्फोटाचा काळ सर्वात कठीण काळ होता. यातून सावरण्यासाठी नक्कीच वेळ लागतो. आम्हाला विभक्त होण्याची गरज होती. कारण तेव्हा मला अनुरागचे रिलेशनशिप आणि अन्य गोष्टींबद्दल जाणून वाईट वाटायचं…’
पुढे अभिनेत्री म्हणाली, ‘घटस्फोटाचा निर्णय घेण्याआधी आम्ही वेळ घेतला होता. मी थेरेपी देखील घेतल्या होत्या. आता त्या गोष्टी अनेक वर्ष झाली आहेत. मी आणि अनुराग आता चांगले मित्र आहोत…’ असं देखील अभिनेत्री मुलाखतीत म्हणाली होती.
कल्की आणि अनुराग यांच्या नात्याबद्दल सांगायचं झालं तर, सिनेमात एकत्र काम करत असताना दोघांमध्ये प्रेम बहरलं. 2011 मध्ये अनुराग आणि कल्की यांनी लग्न केलं. पण दोघांचं नातं फार काळ टिकलं नाही. सतत वाद होत असल्यामुळे दोघांनी 2015 मध्ये घटस्फोट घेतला.
घटस्फोट झाल्यानंतर कल्कीच्या आयुष्यात गाय हर्शबर्ग याची एन्ट्री झाली. कल्कीचा बॉयफ्रेंड गाय हर्शबर्ग हा इस्रायलचा असून तो आर्टिस्ट आहे. गाय हर्शबर्ग आणि कल्कीच्या रिलेशनशिपबद्दल फार कमी लोकांना माहिती होतं. अखेर लग्न न करता फेब्रुवारी 2020 मध्ये कल्कीने मुलाला जन्म दिला. कल्की मुलासोबत कायम फोटो आणि व्हिडीओ पोस्ट करत असते.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List