Thane accident – घोडबंदर रोडवर एसटी बस मेट्रोच्या पिलरला धडकली, 11 जण जखमी

ठाणे शहरातील अपघातांच्या मालिका संपण्याचे काही नावच घेत नाहीत. ठाण्यातील घोडबंदर रोडवरील ओवळा सिग्नलजवळ एसटी बस मेट्रोच्या पिलरला धडकली आहे. या अपघातात 11 जण जखमी झाले आहे. जखमी प्रवाशांना तातडीने ऑस्कर आणि टायटन रुग्णालयात दाखल केले असून सध्या त्यांच्यावर उपचार सुरू आहेत.

ठाण्याच्या घोडबंदर रोडवर सोमवारी रात्री महाराष्ट्र राज्य मार्ग परिवहन महामंडळाच्या बसचा अपघात झाला. यावेळी बसने थेट मेट्रोच्या खांबाला जोरदार धडक दिली. त्यामुळे बसच्या समोरील भागाचे प्रचंड नुकसान झाले आहे. या अपघातात 11 जण जखमी झाले आहेत. मात्र हा अपघात नक्की कशामुळे झाला याबाबत कोणतीही माहिती अद्याप मिळालेली नाही.

दरम्यान काही दिवसांपूर्वीच घोडबंदर रोडवरील मानपाडा पुलावर एसटी बस थेट दुभाजकावर चढली. ठाण्यातून घोडबंदरच्या दिशने जाणाऱ्या मार्गावर ही घटना घडली. त्यामुळे सलग तिसऱ्या दिवशी या मार्गावरील वाहतुकीचा बोजवारा उडाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.