चिपळूणमध्ये शिवीगाळ केल्याच्या रागातून तरुणाची हत्या, पोलिसांनी दोघांना घेतले ताब्यात

ऐन गणेशोत्सवात चिपळूण शहरात खळबळजनक घटना घडली आहे. चिपळूण बहादूर शेख नाका येथे एका तरुणाची हत्या केल्याची घटना उघडकीस आली आहे. शिवीगाळ केल्याच्या रागातून ही हत्या झाल्याचे कळते. याप्रकरणी चिपळूण पोलिसांनी दोन संशयित आरोपींना ताब्यात घेतले आहे. आरोपींपैकी एक जण अल्पवयीन आहे.

हमीद शेख असे हत्या झालेल्या तरुणाचे नाव आहे. हमीद शेखचा मृतदेह रविवारी सकाळी बहादूर शेख नाका येथे रक्ताच्या थारोळ्यात आढळून आला. हत्येची माहिती मिळताच चिपळूण पोलिसांनी घटनास्थळी धाव घेतली. पोलिसांनी आरोपींचा शोध घेत दोघांना ताब्यात घेतले आहे.

निलेश जाधव असे एका आरोपीचे नाव असून दुसरा आरोपी अल्पवयीन आहे. चिपळूण पोलिसांनी दिलेल्या माहितीनुसार आरोपी आणि हमीद शेख हे एकमेकांच्या ओळखीचे होते. दरम्यान शिवीगाळ केल्यानंतर झालेल्या वादातून ही हत्या झाली आहे. अधिक तपास पोलीस करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.