Raigad Accident – मुंबई-गोवा महामार्गावर दोन बस एकमेकींना धडकल्या, अपघातात 25 जण जखमी

मुंबई गोवा महामार्गावर भीषण अपघाताची घटना घडली आहे. नागोठणेजवळ राज्य परिवहन मंडळाच्या दोन बस एकमेकींवर धडकल्या. या अपघातात 25 प्रवासी जखमी झाले आहेत. शुक्रवारी मध्यरात्रीच्या सुमारास ही घटना घडली.

मुंबईहून राजापूरला जाणारी बस आणि माणगावहून मुंबईकडे येणारी बस नागोठणेजवळ एकमेकींना समोरासमोर धडकल्या. या अपघातामुळे नागोठणे परिसरात मोठ्या प्रमाणात वाहतूक कोंडी झाली होती.

गणेशोत्सवासाठी मुंबई, ठाणे, पालघरमधून चाकरमनी गावाकडे निघाले आहेत. यामुळे मुंबई-गोवा महामार्गावर आधीच प्रचंड वाहतूककोंडी झाली आहे. त्यातच अपघातामुळे महामार्गावरील वाहतूक विस्कळीत झाल्याने चाकरमान्यांना आणखी त्रास सहन करावा लागला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.