देशात इलेक्ट्रिक वाहनांची क्रेझ वाढली आहे, असं असलं तरी अजूनही CNG कार्सला देशात मोठी मागणी आहे. यातच जे लोक दररोज 50 किलोमीटर किंवा त्याहून अधिक अंतर प्रवास करतात त्यांच्यासाठी सीएनजी कार हाच एकमेव पर्याय शिल्लक आहे. सध्या हिंदुस्थानात सीएनजी कारचे अनेक पर्याय आहेत. बजेट सेगमेंटपासून प्रीमियम सेगमेंटपर्यंत तुम्ही तुमच्या गरजेनुसार कार निवडू शकता. जर तुमचे बजेट कमी असेल आणि तुम्ही दैनंदिन वापरासाठी किफायतशीर सीएनजी कार घेण्याचा विचार करत असाल, तर आम्ही तुम्हाला काही बेस्ट कार्सबद्दल माहिती देणार आहोत.
Tata Tiago CNG
Tata Tiago CNG हा तुमच्यासाठी चांगला पर्याय ठरू शकतो. इंजिनबद्दल बोलायचे झाल्यास, कारमध्ये 1.2 लीटर इंजिन आहे, जे CNG मोडमध्ये 73hp पॉवर आणि 95Nm टॉर्क जनरेट करते. या इंजिनमध्ये 5-स्पीड मॅन्युअल ट्रान्समिशन गिअरबॉक्स वापरण्यात आला आहे. ही कार 27km/kg मायलेज देते. कारची किंमत 5.65 लाख रुपयांपासून सुरू होते.
Maruti Celerio CNG
मारुती सेलेरियो सीएनजी ही एक जबरदस्त कार आहे. या कारमध्ये 1.0L पेट्रोल इंजिन आहे. ही कार सीएनजी मोडवर 34.43 किमी/किलो मायलेज देते. या कारमध्ये 5 लोक सहज बसू शकतात. सुरक्षेसाठी या कारमध्ये अँटी-लॉक ब्रेकिंग सिस्टमसह EBD आणि एअरबॅग्जची सुविधा आहे. Celerio CNG ची एक्स-शो रूम किंमत 5.64 लाख रुपयांपासून सुरू होते.
Maruti Wagon-R CNG
या कारमध्ये 5 लोक अगदी आरामात बसू शकतात. Wagon-R मध्ये 1.0L पेट्रोल इंजिन आहे आणि ही कार CNG मध्ये देखील उपलब्ध आहे. याचे मायलेज 34 किमी/किलो आहे. सुरक्षिततेसाठी कारमध्ये अँटी-लॉक ब्रेकिंग सिस्टमसह EBD आणि एअरबॅग्ज आहेत. वॅगन-आर दैनंदिन वापरासाठी बेस्ट कार आहे. Wagon R ची किंमत 6.54 लाख रुपयांपासून सुरू होते.
Comment List