Wardha News – वाढदिवसाची पार्टी करुन परतत होते, वाटेत काळाचा घाला; कार अपघातात तिघांचा मृत्यू

वाढदिवसाच्या पार्टीवरून परतत असताना अनियंत्रित कार उलटल्याने अपघातात तिघा मित्रांचा मृत्यू झाला. एक कारचालक गंभीर जखमी आहे. नागपूर-तुळजापूर मार्गावरील सेलूच्या बोर नदीच्या पुलाजवळ गुरुवारी मध्यरात्री 1.10 वाजता हा अपघात घडला. समीर चुटे, शुभम मेश्राम आणि सुशील मस्के अशी मयतांती नावे आहेत. धनराज धाबर्डे असे जखमीचे नाव आहे.

जखमीवर नागपूरमधील मेडिकल कॉलेजमध्ये उपचार सुरू आहेत. सर्वजण वर्ध्यातील सिंदी येथील रहिवासी आहेत. धनराज धाबर्डे याचा गुरुवारी वाढदिवस होता. वाढदिवस साजरा करायला नागपूरला गेले होते. तेथून परतत असताना सेलूजवळ चालकाचे कारवरील नियंत्रण सुटले आणि कार उलटली. यात शुभम आणि सुशीलचा जागीच मृत्यू झाला. तर समीरचा रुग्णालयात उपचारादरम्यान मृत्यू झाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.