एमएमसी निवडणुकीतून 70 हजार डॉक्टरांची नावे गायब, 50 हजारांहून अधिक डॉक्टर मराठी; उमेदवारीपासूनही राहणार वंचित

एमएमसी निवडणुकीतून 70 हजार डॉक्टरांची नावे गायब, 50 हजारांहून अधिक डॉक्टर मराठी; उमेदवारीपासूनही राहणार वंचित

महाराष्ट्र वैद्यकीय परिषदेची निवडणूक 3 एप्रिल रोजी होणार असून या निवडणुकीतून तब्बल 70 हजार डॉक्टरांना वगळण्यात आल्याची धक्कादायक माहिती पुढे आली आहे. यात 50 हजारांहून अधिक डॉक्टर हे मराठी असून हे डॉक्टर उमेदवारीपासूनही वंचित राहणार आहेत. दरम्यान, हजारो डॉक्टरांना मतदान आणि उमेदवारीपासून वंचित ठेवून महाराष्ट्र वैद्यकीय परिषदेवर आपल्या मर्जीतील डॉक्टरांची वर्णी लावण्यासाठी आणि मनमानी कारभार करण्यासाठी फडणवीस सरकारचा हा सर्व खटाटोप असल्याचा आरोप डॉक्टरांच्या संघटनांनी केला आहे.

वैद्यकीय परिषदेकडे जळपास दोन लाखांहून अधिक डॉक्टर नोंदणीकृत आहेत. 2022 मध्ये सर्व डॉक्टरांना नोंदणीसाठी वर्षभराची मुभा देण्यात आली होती, परंतु या कालावधीत सॉफ्टवेअरमध्ये बिघाड झाल्याचे सांगण्यात आले. त्यामुळे डॉक्टरांना नोंदणी करता आली नाही. दर पाच वर्षांनी डॉक्टरांना महाराष्ट्र वैद्यकीय परिषदेसाठी नोंदणी करावी लागते. ही प्रक्रिया सुरूच असते, मात्र अनेक डॉक्टर नूतनीकरण करणे विसरतात. त्यांना तारीख उलटून गेल्याचे लक्षात येत नाही. अशा वेळी महाराष्ट्र वैद्यकीय परिषदेने डॉक्टरांना ई-मेलद्वारे किंवा मेसेज करून कळवावे अशी मागणी डॉक्टरांची असल्याचे हिलिंग अ‍ॅण्ड युनिटी पॅनलचे समन्वयक डॉ. तुषार जगताप यांनी सांगितले.

मतदानासाठी सर्जरी सोडून यायचे का?

महाराष्ट्र वैद्यकीय परिषदेसाठी 3 एप्रिल रोजी मतदान होणार आहे. यापूर्वी मतदान रविवारी घेतले जायचे, परंतु यावेळी मतदान गुरुवारी आले आहे. इतर दिवशी अनेक महत्त्वाच्या आणि नाजूक शस्त्रक्रियाही असतात. अनेक डॉक्टरांना डय़ुटी सोडून कुठेही जाता येत नाही. अशा वेळी डॉक्टरांनी सर्जरी सोडून मतदानासाठी यायचे का, असा सवाल डॉक्टरानी केला आहे. दरम्यान, पाच वर्षांनी एकदा निवडणूक असते. त्यामुळे एक दिवस वेळ काढून मतदानासाठी यायलाच पाहिजे, असे निवडणूक अधिकारी शिल्पा परब म्हणाल्या.

म्हणे, 70 हजारांमध्ये अनेक डॉक्टर बाहेरचे

70 हजार डॉक्टरांचा आकडा दाखवण्यात येत आहे, परंतु यातील मोठय़ा संख्येने डॉक्टर बाहेरचे आहेत. अनेक डॉक्टर मध्य प्रदेश, गुजरात, राजस्थानसह विविध राज्यांमध्ये गेले असून तिथेच प्रॅक्टिस करत आहेत. त्यामुळे त्यांची नोंदणी झालेली नाही. तसेच नोंदणीचे नूतनीकरण करण्याची जबाबदारी डॉक्टरांचीही आहे. त्यांना आठवण का करून द्यावी लागते, अशी प्रतिक्रिया महाराष्ट्र वैद्यकीय परिषदेचे प्रशासक रुग्वाणी विंकी मोहनलाल यांनी दिली.

निबंधक नोंदवही अद्ययावत करायला विसरले

डॉक्टरांच्या नोंदणीसाठीची नोंदवही अद्ययावत करण्याचे आपल्याकडूनच राहून गेल्याचे निबंधक महाराष्ट्र वैद्यकीय परिषदेचे निबंधक डॉ. राकेश वाघमारे यांनी सांगितले. 70 हजार डॉक्टरांची नोंदणी करण्याची आणि निवडणूक पुढे ढकलण्याची मागणी हिलिंग अ‍ॅण्ड युनिटी पॅनलच्या शिष्टमंडळाने निबंधकांकडे केली. डॉक्टर तुषार जगताप आणि ललितकुमार आनंदे शिष्टमंडळात होते. नोंदवही लवकरच अद्ययावत करू आणि कुणीही डॉक्टर मतदानापासून वंचित राहू नये यासाठी प्रयत्न करू, असेही डॉ. वाघमारे म्हणाले.

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

1 एप्रिलपासून नवे शैक्षणिक वर्ष 1 एप्रिलपासून नवे शैक्षणिक वर्ष
शैक्षणिक वर्ष 1 एप्रिलपासून सुरू करण्याच्या निर्णयाची अंमलबजावणी यंदापासूनच (2025-26) करण्यासाठी शिक्षण विभाग प्रयत्नशील आहे. याकरिता सर्व शिक्षणाधिकारी, उपसंचालक यांनी...
भाजपकडून मिंध्यांना आणखी एक धक्का; पंढरपुरातील दर्शन मंडप, स्कायवॉकच्या 129 कोटींच्या कामाची प्रक्रिया थांबविली
माझा जन्म जैविक नाही म्हणणाऱ्यांवर किती विश्वास ठेवायचा? संमेलनाध्यक्षा डॉ. तारा भवाळकर यांची टोलेबाजी
कोस्टल रोडला महिनाभरातच तडे, महापालिकेची तात्पुरती मलमपट्टी, व्हायरल व्हिडिओने पितळ उघडे
पंतप्रधान मोदींच्या हस्ते साहित्य संमेलनाचे उद्घाटन, मराठी भाषेत भक्ती, शक्ती आणि युक्ती!
अदानी वैयक्तिक नाही, तर देशातील भ्रष्टाचाराचे प्रकरण – राहुल गांधी
दहावीचा पहिलाच पेपर फुटला, कॉपीमुक्त घोषणेचा कचरा; जालन्यातील परीक्षा केंद्रावर अभूतपूर्व गोंधळ, पालकांकडून दगडफेक