Rishabh Pant Love Life: भारतीय क्रिकेटर आणि बॉलिवूड अभिनोत्री यांच्या फार खास नातं आहे. अनेक भारतीय क्रिकेटपटूंनी अभिनेत्रींना डेट केलं आहे. अनेकांचं नातं लग्नापर्यंत पोहोचलं. तर काहींचं ब्रेकअप झालं. भारतीय क्रिकेट संघाचा स्टार खेळाडू ऋषभ पंत याच्या खासगी आयुष्याची चर्चा रंगली आहे. एका प्रसिद्ध अभिनेत्रीसोबत ऋषभ पंत याच्या नावाची चर्चा सुरु आहे. ही अभिनेत्री दुसरी तिसरी कोणी नसून अभिनेत्री उर्वशी रौतेला आहे. गेल्या अनेक महिन्यांपासून ऋषभ आणि उर्वशी यांच्या नात्याची चर्चा सुरु आहे.
दरम्यान, नुकत्याच झालेल्या एका मुलाखतीत उर्वशी रौतेला हिला खासगी आयुष्यावर आणि ऋषभ पंत याच्यासोबत असलेल्या नात्यावर मोठं वक्तव्य केलं आहे. अभिनेत्री म्हणाली, ‘लोकं हात धुवून माझ्या आणि ऋषभच्या मागे का लागले आहेत? हे सर्वांत आधी मला विचारायचं आहे. प्रकरणाची चर्चा वाऱ्यासारखी होत आहे आणि यासाठी मी माध्यमांना जबाबदार धरत आहे… मला असं वाटतं यावर आणखी चर्चा व्हायला नको…’ असं उर्वशी म्हणाली.
उर्वशीच्या एका वक्तव्यामुळे वाद…
काही वर्षांपूर्वी उर्वशीने मुलाखतीत एक वक्तव्य केलं होतं, ज्यामुळे वाद निर्माण झाले होते. ‘मी दिल्लीत शुटिंग करत होती. रात्री मी दिल्लीत पोहोचली होती. मला सकाळी लवकर तयार व्हायचं होतं. कारण अभिनेत्रींना तयार होण्यासाठी अधिक वेळ लागतो… मिस्टर आरपी हॉटेलच्या लॉबीमध्ये माझे प्रतीक्षा करत होते. त्यांना मला भेटायचं होतं. पण मी झोपली होती. 10 तास होऊन गेले होते. पण मी त्यांचा फोन उचलू शकले नाही. उठल्यानंतर पाहिलं तर 16 – 17 मिसकॉल होते… त्यांना मला भेटायचं होतं आणि मी भेटू शकले नाही… हाच विचार करुन मला वाईट वाटत होतं…’
सांगायचं झालं तर, दोन वर्षांपूर्वी उर्वशीने असं वक्तव्य केलं होतं. ऋषभ पंतच्या नावाचं पहिलं अक्षर ‘RP’ आहे, त्यामुळे तेव्हापासून उर्वशी- ऋषभच्या नात्याच्या अफवांना जोर धरला होता. एवढंच नाही तर, ऋषभ पंत याच्या अपघातानंतर देखील उर्वशीने सोशल मीडियाच्या माध्यमातून चिंता व्यक्त केली होती. ज्यामुळे दोघांच्या नात्याला उधाण आलं होतं.
उर्वशी हिच्याबद्दल सांगायचं झालं तर, अभिनेत्री बॉलिवूडमध्ये पदार्पण केलं. पण इतर अभिनेत्रींप्रमाणे बॉलिवूडमध्ये स्वतःची ओळख निर्माण करू शकली नाही. उर्वशी कायम सोशल मीडियावर सक्रिय असते. सोशल मीडियावर तिच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी अभिनेत्री कायम स्वतःचे फोटो आणि व्हिडीओ सोशल मीडियावर पोस्ट करत असते.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List