गरबा मंडपात गोमूत्र पाजून एण्ट्री द्या! भाजप नेत्याचे बेताल वक्तव्य

गरबा खेळताना हिंदू नसलेल्या लोकांना मंडपात प्रवेश देऊ नये. त्याकरिता गरब्यासाठी मंडपात येणाऱया प्रत्येक व्यक्तीला गोमूत्र पाजले पाहिजे, असे वादग्रस्त वक्तव्य मध्य प्रदेशातील इंदूरचे भाजप जिल्हाध्यक्ष चिंटू वर्मा यांनी आज केले. हिंदूंचा गोमूत्र पिण्यात कोणताही आक्षेप नाही. इतकेच नाही तर टिळा न लावता आलेल्यांनाही गरबा मंडपात प्रवेश दिला जाऊ नये असेही ते म्हणाले. चिंटू वर्मा यांचे हे विधान सोशल मीडियावर व्हायरल होते. वर्मा म्हणाले, गरबा मंडपात अनेक प्रकारचे लोक येत असतात. गर्दीमध्ये प्रत्येकाची ओळख पटवता येत नाही. यामुळे जो कोणी गरबा खेळण्यासाठी मंडपात येईल त्याला प्रवेश देण्याआधी गोमूत्र पाजले पाहिजे. त्यांच्या या विधानावर जोरदार टीका होत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.