नवरात्रोत्सवादरम्यान मेट्रो जादा फेऱ्या चालविणार, पाहा डीटेल्स
नवरात्र उत्सवाला होणारी गर्दी पाहून प्रवाशांच्या सोयीसाठी महामुंबई मेट्रोने पश्चिम उपनगरात जादा फेऱ्या चालविण्याचा निर्णय घेतला आहे. महामुंबई मेट्रो ऑपरेशन कॉर्पोरेशन लिमिटेडने ( एमएमएमओसीएल ) नवरात्रोत्सवादरम्यान मेट्रो ट्रेनच्या वाढीव फेऱ्यांचे नियोजन केले आहे. महाराष्ट्राचे मुख्यमंत्री आणि एमएमआरडीएचे अध्यक्ष एकनाथ शिंदे यांच्या आदेशानंतर मेट्रो प्रशासनाने हा निर्णय घेतला आहे. सणाच्यासुदीच्या काळात वाढणारी गर्दी पाहून मेट्रोच्या जादा फेऱ्या चालविण्यात येणार असल्याने प्रवाशांची वाहतूक कोंडीतून सुटका होणार आहे.
प्रवाशांच्या सोयीसाठी निर्णय
नवरात्रोत्सवादरम्यान रात्री उशीरा प्रवास करणाऱ्या प्रवाशांच्या सुविधेसाठी ७ ऑक्टोबर ते ११ ऑक्टोबर २०२४ या कालावधीत अतिरिक्त मेट्रो सेवा पुरविण्यात येईल. या कालावधीत दररोज १२ अतिरिक्त मेट्रो सेवा चालविण्यात येतील आणि दोन मेट्रो फेऱ्यांदरम्यान १५ मिनिटांचा वेळ असणार आहे. यामुळे या उत्सवात सहभागी होऊन मध्यरात्री प्रवास करणाऱ्या प्रवाशांना प्रवासाचा लाभ घेता येईल.
नवरात्रोत्सव लोकांना एकत्र आणतो आणि सर्व भाविकांना तसेच नागरिकांना कार्यक्षम आणि सुरक्षित वाहतूक प्रदान करणे आमची जबाबदारी आहे. मेट्रो ट्रेनच्या सेवा वाढवून आम्ही प्रवाशांना उत्सवादरम्यान रात्री उशीरा होणाऱ्या प्रवासासाठी सोयीस्कर आणि आरामदायक वाहतूक पर्याय प्रदान करीत आहोत असे महामुंबई मेट्रो ऑपरेशन कॉर्पोरेशन लिमिटेडचे अध्यक्ष आणि एमएमआरडीएचे महानगर आयुक्त डॉ. संजय मुखर्जी यांनी म्हटले आहे.
वाढीव मेट्रो सेवांचे वेळापत्रक:
२३:०० नंतर नियोजित वाढीव मेट्रो सेवा खालीलप्रमाणे आहेत:
अंधेरी (पश्चिम) ते गुंदवली | गुंदवली ते अंधेरी (पश्चिम) |
---|---|
२३:१५ - ००:२४ | २३:१५ - ००:२४ |
२३:३० - ००:३९ | २३:३० - ००:३९ |
२३:४५ - ००:५४ | २३:४५ - ००:५४ |
००:०० - ०१:०९ | ००:०० - ०१:०९ |
००:१५ - ०१:२४ | ००:१५ - ०१:२४ |
००:३० - ०१:३९ | ००:३० - ०१:३९ |
अंधेरी (पश्चिम) ते गुंदवली:
२३:१५ – ००:२४,
२३:३० – ००:३९,
२३:४५ – ००:५४,
००:०० – ०१:०९,
००:१५ – ०१:२४,
००:३० – ०१:३९,
गुंदवली ते अंधेरी (पश्चिम) :
२३:१५ – ००:२४,
२३:३० – ००:३९,
२३:४५ – ००:५४,
००:०० – ०१:०९,
००:१५ – ०१:२४,
००:३० – ०१:३९,
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List