बंदुकीतून चुकून गोळी सुटली अन् पायाला लागली; अभिनेता गोविंदा जखमी, रुग्णालयात दाखल
बॉलिवूड अभिनेता गोविंदा स्वत:चीच रिवॉल्वर साफ करताना चुकून गोळी सुटल्याने जखमी झाला आहे. गोविंदाच्या पायात गोळी शिरली असून त्याला उपचारासाठी मुंबईतील क्रिटीकेअर रुग्णालयात दाखल करण्यात आले आहे. मुंबई पोलिसांनी याबाबत माहिती दिल्याचे वृत्त ‘एएनआय’ या वृत्तसंस्थेने दिले आहे.
माध्यमांनी दिलेल्या वृत्तानुसार, मंगळवारी सकाळी गोविंदा आपली सर्व्हिस रिवॉल्वर साफ करत असताना चुकून मिसफायर झाले. रिवॉल्वहरमधून सुटलेली गोळी थेट गोविंदाच्या पायात शिरली. त्यानंतर त्याला तातडीने क्रिटी केअर रुग्णालयात दाखल करण्यात आले. गोविंदावर सध्या उपचार सुरू असून पोलीस पुढील तपास करत आहेत.
Actor and Shiv Sena leader Govinda has been taken to the nearest hospital after he was accidentally shot in the leg by his own revolver this morning, says a senior Mumbai Police official
More details awaited.
(file pic) pic.twitter.com/SBqnMcDgoA
— ANI (@ANI) October 1, 2024
मुंबई पोलिसांनी दिलेल्या माहितीनुसार, ही घटना पहाटे 4.45 वाजताच्या सुमारास घडली. बाहेर जाण्याची तयारी करत असताना गोविंदा आपली सर्व्हिस रिवॉल्वर साफ करत होता. याच दरम्यान चुकून त्याच्याकडून गोळी चालली गेली. चुकून सुटलेली गोळी त्याच्या गुडघ्याजवळ लागली असून त्याच्यावर आयसीयूमध्ये उपचार सुरू आहेत. त्याची प्रकृती धोक्याबाहेर आहे.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List