‘धर्मवीर’ सिनेमावर वाद, सुषमा अंधारे यांचं ट्विट, प्रवीण तरडे म्हणाले, ‘दिघे साहेबांच्या, बाळासाहेबांच्या हिंदुत्वाची गोष्ट…’
धर्मवीरच्या यशानंतर आता धर्मवीर-2 हा सिनेमा आला आहे. या सिनेमाची जोरदार चर्चा आहे. सिनेमा 27 सप्टेंबर रोजी मोठ्या पडद्यावर प्रदर्शित झाला आहे. पण सिनेमा प्रदर्शित होताच ठाकरे गटाच्या नेत्या सुषमा अंधारे यांनी केलेलं ट्विट चर्चेत आलं आहे. यावर सिनेमाचे दिग्दर्शत प्रवीण तरडे यांनी देखील उत्तर दिलं आहे. चित्रपटात कुणाचं नाव घेतलं नाही, अंधारे यांचा गैरसमज झाला आहे. विरोधकांनी चित्रपट पाहिला तर त्यांनाही आवडेल. माझ्या शिवसेना प्रवेशामुळे गद्दारी झाल्याचं कारण तरडे यांनी चित्रपटात दाखवल्याचं ट्विट अंधारे यांनी केलं आहे. यावर प्रवीण तरडे यांनी स्पष्टीकरण दिलं आहे.
प्रविण तरडे म्हणाले, ‘सुषमा ताईंनी बहुदा सिनेमा पाहिलेला नाही. त्यांनी कुणाकडून तरी ऐकलं असेल, सिनेमा पाहिल्यानंतर जर तो संवाद नीट ऐकला, तर कळेल की त्या संपूर्ण सीनमध्ये कोणाचं नाव घेतलेलं नाही… मला देखील आश्चर्य वाटलं की सुषमा ताई असं म्हणाल्या. पण त्यांचं जे काही काम आहे त्या एका राजकीय पक्षाचं काम करतात. मी अजिबात कुठेही कोणाचं नाव घेतलेलं नाही. सिनेमा पाहा तो सीन काय आहे ते पाहा.. सिनेमा पाहिल्यानंतर कोणाला कोणता प्रश्नच पडणार नाही…’
पुढे तरडे म्हणाले, ‘ज्यांनी सिनेमा पाहिला आहे, त्यांना कोणालाही प्रश्न पडलेला नाही. विरोधकांनी सिनेमा पाहिला तर, विराधकांना देखील सिनेमा आवडेल… कारण ती दिघे साहेबांच्या, बाळा साहेबांच्या हिंदुत्वाची गोष्ट आहे.आम्ही सिनेमा बनवला आहे. त्यामुळे सिनेमा पाहिल्यानंतर कोणाला प्रश्न पडणार नाही…’ असं देखील तरडे म्हणले…
सुषमा अंधारे यांचं ट्विट
शिवसेनेत माझा प्रवेश हा गद्दारी झाल्यानंतर म्हणजे 28जुलै22ला झाला.
पण मतांसाठी निवडणुकिसाठी थुकरट युक्ती तरडेनी दाखवली आहे. @mieknathshinde सांगताहेत गद्दारीचा एक कारण सुषमा अंधारे शिवसेनेत आल्या..!!
प्रवीण तरडेजी कलेशी बेईमानी म्हणतात ती हीच का?
@ShivsenaUBTComm @ShivSenaUBT_— SushmaTai Andhare (@andharesushama) September 27, 2024
‘धर्मवीर’ सिनेमा प्रदर्शित झाल्यानंतर ट्विट करत अंधारे म्हणाल्या, ‘शिवसेनेत माझा प्रवेश हा गद्दारी झाल्यानंतर म्हणजे 28जुलै22ला झाला. पण मतांसाठी निवडणुकिसाठी थुकरट युक्ती तरडेनी दाखवली आहे. @mieknathshinde सांगताहेत गद्दारीचा एक कारण सुषमा अंधारे शिवसेनेत आल्या..!! प्रवीण तरडेजी कलेशी बेईमानी म्हणतात ती हीच का?’ असं ट्विट अंधारे यांनी केलं आहे.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List