Mumbai News – हाजी अली दर्गा बॉम्बने उडवण्याची धमकी, अज्ञात व्यक्तीविरोधात गुन्हा दाखल

Mumbai News – हाजी अली दर्गा बॉम्बने उडवण्याची धमकी, अज्ञात व्यक्तीविरोधात गुन्हा दाखल

मुंबईतील हाजी अली दर्गा बॉम्बने उडवून देण्याची धमकी दिल्याने एकच खळबळ उडाली. तसेच जो कोणी जवळ येईल त्याला गोळ्या घालू, अशी धमकीही आरोपीने दिली. देवस्थानच्या कार्यालयात फोन करुन आरोपीने धमकी दिली. याप्रकरणी ताडदेव पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे.

फोन करणाऱ्या व्यक्तीने आपले नाव पवन असे सांगितले. सदर फोन दिल्लीतून आल्याचे निष्पन्न झाले आहे. आरोपीविरोधात भारतीय दंड संहितेच्या कलम 351(2), 352, 353(2) आणि 353(3) अंतर्गत गुन्हा दाखल करण्यात आला असून ताडदेव पोलीस आणि गुन्हे शाखा प्रकरणाचा संयुक्त तपास करत आहेत.

आरोपीने मंगळवार आणि बुधवारी दोन वेगवेगळे मोबाईल वापरून दोन धमकीचे फोन केले. पहिला कॉल 24 सप्टेंबर रोजी सायंकाळी 5 वाजण्याच्या सुमारास केला होता. हाजी अली दर्ग्यात बॉम्ब ठेवण्यात आल्याचा दावा आरोपीने केला आणि तो परिसर त्वरित रिकामा करण्यास सांगितले, अशी माहिती हाजिअली दर्गाचे प्रशासकीय अधिकारी मोहम्मद अहमद ताहेर शेख यांनी दिली.

दर्गा रिकामा न केल्यास तो उडवून देण्याची धमकी दिली आणि जो कोणी जवळ येईल त्याला गोळ्या घालून ठार मारण्याचा इशारा पुढे आरोपीने दिला. त्यानंतर लगेचच दुसरा धमकीचा कॉल आला. खबरदारीचा उपाय म्हणून हाजी अली परिसराची तपासणी करण्यात आली, मात्र कोणतीही संशयास्पद वस्तू आढळून आली नाही.

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

आंतरशालेय-कॉलेज कॅरम स्पर्धेत रेहानला विजेतेपद आंतरशालेय-कॉलेज कॅरम स्पर्धेत रेहानला विजेतेपद
माहीम ज्युवेनाईल स्पोर्ट्स क्लब (एमजेएससी) व आयडियल स्पोर्ट्स अकॅडमी आयोजित आंतरशालेय-कॉलेज कॅरम स्पर्धेमध्ये वरळी सीफेस म्युनिसिपल शाळेचा रेहान शेख विजेता...
महाराष्ट्रात पुन्हा एकदा भगवा फडकवणार, रत्नागिरी सहसंपर्कप्रमुख राजेंद्र महाडीक यांचा निर्धार
Nagar News – नांदूर मधमेश्वर बंधाऱ्यातून गोदावरी पात्रात पाण्याचा विसर्ग सुरू
Pune News – पुण्यात मंगळसूत्र चोरणारे दोघे सराईत अटकेत, विश्रांतवाडी पोलिसांची कारवाई
Latur News – मराठा आरक्षणासाठी पती-पत्नीने उचलले टोकाचे पाऊल, विषारी औषध पिऊन जीवन संपवण्याचा प्रयत्न
दप्तर आणले नाही म्हणून विद्यार्थ्याला मारहाण करत वीजेचा शॉक दिला; शिक्षकाचे क्रूर कृत्य
Bhool Bhulaiyaa 3 Teaser: प्रतिक्षा संपली… ‘मंजुलिका’ येतेय, ‘या’ तारेखेला सिनेमाचा टीझर होणार रिलीज