महाराष्ट्रात गुंडाराज! मिंधे गटाचे आमदार महेंद्र थोरवे यांच्या बॉडीगार्डची भररस्त्यात दादागिरी, एका व्यक्तीला बेदम मारले

मिंधे गटाचे आमदार महेंद्र थोरवे यांच्या बॉडीगार्डकडून नेरळ येथे एका व्यक्तीला बेदम मारहाण करण्यात आली आहे. या घटनेचा व्हिडीओ सध्या सोशल मीडियावर व्हायरल होत आहे. या व्हिडीओत थोरवे यांचा बॉडिगार्ड असलेला शिवा नावाचा व्यक्ती एका कारमधील व्यक्तीला हातातील दांड्याने मारहाण करताना दिसत आहे. त्या गाडीत त्या व्यक्तीची बायको व मुलं देखील होती व त्यांचे रडण्याचे किंचाळण्याचे आवाज देखील ऐकू येत आहेत.

मिंधे राजवट फक्त गुंडांसाठीच! pic.twitter.com/zZEjesvLrY

— ShivSena – शिवसेना Uddhav Balasaheb Thackeray (@ShivSenaUBT_) September 11, 2024

शिवसेना (उद्धव बाळासाहेब ठाकरे) पक्षाने हा व्हिडीओ सोशल मीडियावर शेअर केला आहे. या व्हिड़ीओसोबत त्यांनी एक पोस्ट शेअर करत राज्य सरकारला फटकारले आहे. ”महाराष्ट्रात गुंडाराज! मिंधेंच्या आमदाराच्या, महेंद्र थोरवे यांच्या ‘शिवा’ नावाच्या बॉडीगार्डने नेरळ येथे भर दिवसा, भर रस्त्यात एका व्यक्तीला मारहाण केली. त्या व्यक्तीची बायका मुलं रडत होती, पण कोणी मदतीला यायची हिंमत केली नाही. कायद्याच्या चिंधड्या, लोकांचे हाल! ही फक्त कर्जतची अवस्था नाही, राज्यभरात गुंडगिरी वाढलीय. कायदा-सुव्यवस्थेची वाट लागलीये! कारण, गुंडांचा म्होरक्याच बेकायदेशीरपणे मुख्यमंत्रीपदावर बसलाय”, अशी टीका शिवसेनेने केली आहे.