दिल्लीत वरळी हिट अँड रनची पुनरावृत्ती; आधी धडक दिली, मग 10 किमी फरफटत नेले
दिल्लीत हिट अँड रनची भयंकर घटना समोर आली आहे. कनॉट प्लस परिसरात भरधाव कारने एका व्यक्तीला जोरदार धडक दिली. त्यानंतर कारने सुमारे 10 किलोमीटर अंतर त्या व्यक्तीला फरफटत नेले. या अपघातात सदर व्यक्तीचा मृत्यू झाला आहे.
घटनेनंतर कारचालकाने तेथून पळ काढला. पोलिसांनी सीसीटीव्ही फुटेजच्या आधारे कारचा शोध घेत आरोपीला अटक केली. शिवम दुबे असे आरोपी चालकाचे नाव असून तो मूळचा मध्य प्रदेशातील रहिवासी आहे.
शिवम मित्राची कार घेऊन कनॉट प्लेस येथे गेला होता. त्याचवेळी रस्ता ओलांडणाऱ्या लेखराजला कारने धडक दिली. यावेळी लेखराज कारच्या चाकात अडकला. मात्र शिवमने कार न थांबवता तसेच लेखराजला 10 किमी फरफटत नेले. यानंतर लेखराजला रस्त्यावर सोडून शिवमने पळ काढला.
घटनेची माहिती मिळताच पोलिसांनी घटनास्थळी धाव घेत लेखराजला रुग्णालयात नेले. मात्र डॉक्टरांनी त्याला मृत घोषित केले. पोलिसांनी परिसरातील सीसीटीव्ही फुटेज तपासत कारचा शोध लावला. यानंतर शिवमला अटक केली आहे.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List