परराष्ट्र मंत्री एस जयशंकर जाणार पाकिस्तानात, SCO बैठकीला लावणार हजेरी
परराष्ट्र मंत्री एस जयशंकर पाकिस्तानात जाणार आहेत. पाकिस्तानात होणाऱ्या शांघाय सहकारी संघटनेच्या बैठकीला जयशंकर हजेरी लावणार आहेत. यावेळी एससीओ बैठकीचे यजनमानपद पाकिस्तानकडे असणार आहे. पाकिस्तानमध्ये 15-16 ऑक्टोबरला ही बैठक पार पडणार आहे.
पाकिस्तानकडे शांघाय सहकारी संघटनेच्या काऊन्सिल ऑफ हेड्स ऑफ गव्हर्नमेंटचे अध्यक्षपद आहे. अध्यक्षपदाच्या कार्यकाळात पाकिस्तान दोन दिवसांची एसईओ हेड्स ऑफ गर्व्हरमेंट मीटींगचे यजमान पद भुषवणार आहे. यापूर्वी ऑगस्टमध्ये पाकिस्तानाने हिंदुस्थान आणि पंतप्रधान नरेंद्र मोदींना या बैठकीचे निमंत्रण दिले होते.
पाकिस्तानाची राजधानी इस्लामाबादमध्ये ही बैठक होणार आहे. त्यापूर्वी पाकिस्तानच्या मंत्रिमंडळातले वरिष्ठ मंत्री आणि अधिकाऱ्यांची बैठक होईल. एसीओ बैठकीत आर्थिक, सामाजिक आणि सांस्कृति मुद्द्यावर चर्चा होईल. या बैठकीत हिंदुस्थानसह चीन, रशिया, कजाकिस्तान, किर्गिस्तान, ताजिकिस्तान आणि उझ्बेकिस्तान या देशांचाही समावेश आहे.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List