एकनाथांच्या नावानं तोतयागिरी करणाऱ्यांचा नायनाट करण्यासाठी उद्धव ठाकरे यांचं जगदंबेला साकडं

गेल्या दोन-अडीच वर्षआपासून आम्ही न्यायमंदिराची दारं ठोठावत आहोत. हात दुखायला लागले आहेत. न्यायदेवतेवर आमचा विश्वास आहे, पण अजूनही न्याय मिळत नाही. त्यामुळे आम्ही ठरवले की जगदंबेलाच साकडे घातले पाहिजे, तू तरी दार उघड, असे म्हणत एकनाथांच्या नावाने तोतयागिरी करणाऱ्यांचा नायनाट करण्यासाठी शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांनी आई जगदंबेला आणि जनता जनार्दनाला साकडे घातले.

उद्धव ठाकरे यांच्या हस्ते गुरुवारी घटनास्थापनेच्या मुहूर्तावर आई जगदंबेसाठी तयार करण्यात आलेल्या गाण्याचे अनावरण करण्यात आले. ‘असुरांचा संहार कराया मशाल हाती दे, सत्वर भूवरी ये गं सत्वर भूवरी ये’, असे या गाण्याचे बोल असून हे गीत श्रीरंग गोडबोले यांनी लिहिले आहे, तर नंदेश उमप यांनी गायले आहे. या दोघांचाही उद्धव ठाकरे यांनी सत्कार केला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.