Rekha: नवऱ्याने स्वतःचा जीव संपवल्यानंतर अशी होती रेखा यांची अवस्था, खंत व्यक्त करत म्हणाल्या…

बॉलिवूडच्या एव्हग्रीन अभिनेत्री रेखा यांना आज कोणत्या ओळखची गरज नाही. रेथा जेवढ्या त्यांच्या प्रोफेशनल आयुष्यामुळे चर्चेत राहिल्या, तेवढ्या त्यांच्या खासगी आयुष्याची देखील चर्चा रंगली. रेखा प्रोफेशनल आयुष्यात यशाच्या शिखरावर चढल्या. पण खासगी आयुष्यात त्यांना अनेक संकटांचा सामना करावा लागला. रेखा यांच्या आयुष्यातील सर्वात मोठं दुःख म्हणजे जेव्हा त्यांच्या पतीने लग्नाच्या सात महिन्यांनंतर स्वतःला संपवलं. मुकेश अग्रवाल यांच्या मृत्यूनंतर रेखा यांच्यावर दुःखाचा डोंगर कोसळला.

एका मुलाखतीत खुद्द रेखा यांनी पतीच्या निधनानंतर समोर आलेल्या परिस्थितीचा खुलासा केला. पतीच्या निधनानंतर रेखा पूर्णपणे कोलमडल्या होत्या. रेखा यांनी सांगितल्यानुसार, मुकेश अग्रवाल आणि रेखा यांचं अरेंज मॅरेज होतं. रेखा म्हणाल्या होत्या, ‘मुकेश यांच्यासोबत लग्न करणं एक अव्हान होतं. पण आयुष्य एक अव्हान आहे. म्हणून माझं नशीब समजत मी त्यांच्यासोबत लग्न केलं.’

‘आमच्यामध्ये प्रेम नव्हतं. पण त्यांच्या निधनानंतर मला मोठा धक्का बसला. कारण त्यांच्या मृत्यूचा स्वीकार करणं माझ्यासाठी फार कठीण होतं. या दुःखातून बाहेर येणं माझ्यासाठी फार कठीण होतं. पण मी सत्य माझ्या मनात दाबून ठेवलं आणि परिस्थितीचा स्वीकार केला. कारण आपल्या हातात काहीही नसतं…’ असं देखील रेखा म्हणाल्या होत्या.

सांगायचं झालं तर, मुकेश अग्रवाल यांच्या निधनानंतर रेखा यांनी कधीच दुसरं लग्न करण्याचा निर्णय घेतला नाही. पण रेखा यांच्या नावाची चर्चा अनेक सेलिब्रिटींसोबत झाली. अभिनेते अमिताभ बच्चन यांच्यासोबत तर रेखा यांनी नात्याची कबुली देखील दिली होती.

आजही रेखा आणि अमिताभ बच्चन यांच्या नात्याच्या चर्चा चाहत्यांमध्ये रंगत असतात. पण अमिताभ बच्चन यांनी कधीच रेखा यांच्यासोबत असलेल्या नात्यावर वक्तव्य केलं नाही. अमिताभ बच्चन शिवाय, विनोद मेहरा यांच्यासोबत देखील रेखा यांच्या नावाची चर्चा रंगली.

रेखा यांच्या आयुष्यात अनेकदा प्रेमाची एन्ट्री झाली. पण कोणत्याच सेलिब्रिटीसोबत त्यांचं नातं लग्नापर्यंत पोहोचलं नाही. आज वयाच्या 69 व्या वर्षी देखील रेखा एकट्या आहेत. रेखा आज बॉलिवूडपासून देखील दूर असल्या तरी कोणत्या न कोणत्या कारणामुळे चर्चेत असतात.