राजू श्रीवास्तव यांच्या पत्नीच्या भावना, ‘परदेशात आहेत पण लगेच घरी…’
आपल्या विनोदबुद्धीने सर्वांना हसवणारे कॉमेडियन राजू श्रीवास्तव यांच्या निधनानंतर चाहत्यांना मोठा धक्का बसला. राजू श्रीवास्तव यांच्या निधनला दोन वर्ष पूर्ण झाली आहेत. पण आजही चाहते त्यांना विसरु शकलेले नाही. आपल्या कॉमिक टायमिंगने त्यांनी प्रेक्षकांच्या हृदयात खास स्थान निर्माण केलं. निधनला दोन वर्ष झाल्यानंतर पत्नी शिखा श्रीवास्तव यांनी मनातील भावना व्यक्त केल्या आहे. राजू श्रीवास्तव यांचं निधन झालं आहे… ही सत्य घटना आजही स्वीकारू शकत नाही… असं त्यांच्या पत्नी म्हणाल्या.
राजू श्रीवास्तव यांच्या निधनाबद्दल सांगायचं झालं तर, 21 सप्टेंबर 2022 मध्ये त्यांचे निधन झालं. वयाच्या 58 व्या वर्षी त्यांनी अखेरचा श्वास घेतला. नुकताच झालेल्या मुलाखतीत शिखा श्रीवास्तव म्हणाल्या, ‘माझ्या आयुष्यात काहीही पूर्वीप्रमाणे राहिलेलं नाही. काय सुरु आहे मला काहीही कळत नाही.’
‘पूर्वी ते (राजू श्रीवास्तव) शोसाठी जायचे तेव्हा आम्ही त्यांची वाट पाहत बसायचो. पण आता विचार करतो की, ते शोसाठी बाहेर गेले आहेत. परदेशात गेले आहेत पण घरी येतील… असं म्हणत आम्ही स्वतःची समज घालत असतो.’ असं राजू श्रीवास्तव यांच्या पत्नी म्हणाल्या. त्यांच्या निधनानंतर चाहत्यांना देखील मोठा धक्का बसला आहे.
राजू श्रीवास्तव यांच्या सिनेमांबद्दल सांगायचं झालं तर, ‘मैंने प्यार किया’, ‘बाजीगर’, ‘आमदनी अठन्नी खर्चा रुपया’ यांसारख्या अनेक सिनेमांमध्ये काम करत राजू यांनी अभिनय विश्वात स्वतःचं स्थान निर्माण केलं. 2005 मध्ये त्यांनी स्टँड अप कॉमेडिय म्हणून सुरुवात केली आणि चाहत्यांच्या मनावर राज्य केलं. पण त्यांच्या निधनानंतर चाहत्यांना मोठा धक्का बसला. तर कुटुंबावर दुःखाचा डोंगर कोसळला.
राजू श्रीवास्तव यांचं निधन
राजू श्रीवास्तव यांचं 21 सप्टेंबर 2022 रोजी हृदयविकाराच्या झटक्यानं निधन झालं. ट्रेडमिलवर पडल्याने त्यांना रुग्णालयात नेण्यात आले. सुमारे महिनाभर आयसीयूमध्ये राहिल्यानंतर त्यांचा मृत्यू झाला. आजही त्यांना कोणी विसरु शकलेलं नाही. सोशल मीडियावर आजही राजू श्रीवास्तव यांचे फोटो आणि व्हिडीओ व्हायरल होत असतात.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List