सलमान खानचा मोस्ट अवेटेड शो ‘बिग बॉस 18’ बाबत लोकांमध्ये उत्सुकता आहे. बिग बॉस 18 चा पहिला प्रोमो समोर आला असून यावेळच्या थीमचाही खुलासा झाला आहे. हा शो ऑक्टोबर पासून सुरू होणार असून आता या शोमधील स्पर्धकांची नावेही समोर येऊ लागली आहेत.
इंडियन एक्सप्रेसच्या वृत्तानुसार, ‘बिग बॉस 18’ यावेळी 5 ऑक्टोबर पासून सुरू होत आहे. बिग बॉसच्या प्रोमोमध्ये यावेळी भूतकाळ, वर्तमानकाळ आणि भविष्यातील टीम्सवर आधारीत आहे. आता ‘बिग बॉस 18’ च्या कन्फर्म केलेल्या काही स्पर्धकांची यादी देखील आली आहे ज्यामध्ये शोच्या सर्वाधिक मानधन घेणाऱ्या अभिनेत्याचे नाव देखील समोर आले आहे.
वृत्तानुसार, ‘बिग बॉस 18’ साठी निया शर्मानंतर आता धीरज धूपर आणि शोएब इब्राहीम यांची नावे समोर आली आहेत. मात्र शोएबने यासाठी शो साठी नकार दिला आहे. धीरज धूपर ‘बिग बॉस 18’ मध्ये सर्वात जास्त मानधन घेणारा स्पर्धक असणार आहे. त्याला 5 कोटी रूपयांची ऑफर देण्यात आली आहे. यावेळी ‘बिग बॉस 18’ घरात 18 स्पर्धक असणार आहेत यात आता इशा कोपीकरच्या नावाचीही चर्चा सुरू आहे. याशिवाय चंद्रिमा सिंघा रॉय आणि अभिनेत्री चाहत पांडेही दिसणार आहेत.
Comment List