अजितदादांचे मंत्री धर्मरावबाबा आत्राम यांनी आपल्या मुलीबद्दल केलेल्या वक्तव्यानंतर शरद पवार गटानं आत्रामांवर टीकास्त्र डागलंय. भाग्यश्री आत्राम हलगेकरांना नदीत टाकल्याशिवाय राहणार नसल्याचं विधान धर्मरावबाबा आत्राम यांनी केलं होतं. दरम्यान त्यांनी केलेल्या वक्तव्यानतंर शरद पवार गटानं ट्विट करत धर्मरावबाबा आत्राम यांच्यासह महायुतीवर शरसंधान साधलंय. स्वतःच्या लेकीला नदीत टाकणारे महाराष्ट्रातील लेकींची रक्षा करतील?
मतदारसंघातील विकासाच्या मुद्द्यावर मतभेदाची भूमिका पत्करणाऱ्या आपल्या लेकीला आपण नदीत टाकणार अशी धमकी देणारे महायुतीचे गुंड जिजाऊ आणि सावित्रीच्या लेकींना न्याय आणि सुरक्षा कशी प्रदान करणार? महिलांच्या रक्षणाचे आणि सशक्तीकरणाचे आपणच नायक आहोत अशी खोटी दवंडी पिटणाऱ्या महायुती सरकारच्या महिलांप्रती असणाऱ्या निर्दयी व असंवेदनशील वृत्तीचा परिमाण म्हणजेच महायुती सरकारच्या काळात महिलांवरील अत्याचारात आणि गुन्ह्यांत झालेली वाढ.
पाहा व्हिडीओ:-
दरम्यान जी मुलगी बापाची झाली नाही ती तुमची काय होणार? असं वक्तव्यही गडचिरोलीत धर्मरावबाबा आत्रामांनी केलं होतं. दरम्यान त्यांच्या या वक्तव्यानंतर शरद पवार गटाचे आमदार जितेंद्र आव्हाडांनी त्यांच्यावर पलटवार केलाय. भाग्यश्री आत्राम यांना सल्ला देत अजित पवारांनी पवार कुटुंबातील फुटीवरही वक्तव्य केलं होतं. घरात फूट पडू देऊ नका, माझ्याकडून चूक झाली होती अशी कबुली अजित पवारांनी दिली होती. दरम्यान त्यांच्या या वक्तव्यानंतर संजय राऊतांनी त्यांना टोला लगावलाय.
धर्मरावबाबा आत्राम यांच्या कन्या भाग्यश्री आत्राम हलगेकर वडिलांची साथ सोडून शरद पवार गटात प्रवेश करणार आहेत. त्यामुळे आगामी विधानसभेत गडचिरोलीच्या अहेरी मतदारसंघात बाप-लेकीमध्ये सामना रंगण्याची शक्यता आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List