बॉलिवूड अभिनेत्री दीपिका पादुकोण हिने मोठा काळ चित्रपटांमध्ये गाजवला आहे. दीपिका पादुकोणची जबरदस्त अशी फॅन फॉलोइंग बघायला मिळते. दीपिका पादुकोण हिने आज 8 सप्टेंबर 2024 रोजी एका गोंडस मुलीला जन्म दिलाय. दीपिका पादुकोण ही कालच रूग्णालयात दाखल झाली होती. त्यानंतर तिच्या डिलीवरीच्या विविध चर्चा या रंगताना दिसल्या. आज दीपिकाने मुलीला जन्म दिलाय. काही दिवसांपूर्वी दिलेल्या एका मुलाखतीमध्ये रणवीर सिंह याने मुलगी पाहिजे, असे म्हटले होते आणि आज खरोखरच दीपिका पादुकोण हिने मुलीला जन्म दिला.
मुंबईतील सिद्धीविनायक मंदिरात दीपिका पादुकोण ही पती रणवीर सिंह याच्यासोबत पोहोचली होती. यावेळी ती बनारसी साडीमध्ये दिसली. विशेष म्हणजे सिद्धीविनायक मंदिरात परवाच दीपिका आली आणि आजच तिने मुलीला जन्म दिलाय. दीपिका पादुकोण आणि रणवीर सिंह यांनी सोशल मीडियावर पोस्ट शेअर करत मुलगी झाल्याचे जाहीर केले.
दीपिका पादुकोण हिने शेअर केलेल्या पोस्टनंतर सर्वजण तिला शुभेच्छा देताना देखील दिसत आहेत. दीपिका पादुकोण हिने मुलीला जन्म दिल्यानंतर आता विविध चर्चा या रंगताना दिसत आहेत. एकाने कमेंट करत म्हटले की, रणबीर कपूर याचा लकी नंबर हा 8 आहे. हेच नाही तर रणबीर कपूर हा कायमच 8 नंबरची जर्सी घालून फुटबॉल खेळतो.
बऱ्याच वेळा रणबीर कपूर याच्याकडून देखील सांगितले गेले की, त्याचा लकी नंबर हा 8 आहे. त्यामध्येच आता दीपिका पादुकोण हिने देखील 8 सप्टेंबरलाच बाळाला जन्म दिलाय. यामुळेच विविध चर्चा रंगताना दिसत आहेत. रणवीर सिंह याच्यासोबत लग्न करण्याच्या अगोदर दीपिका पादुकोण ही रणबीर कपूर याला डेट करत होती. मात्र, त्यांचे ब्रेकअप झाले.
लग्न होऊन सहा वर्षानंतर दीपिका पादुकोण हिने बाळाला जन्म दिलाय. काही महिन्यांपूर्वीच दीपिका पादुकोण आणि रणवीर सिंह यांच्याकडून सोशल मीडियावर पोस्ट शेअर करण्यात आली आणि लवकरच बाळाचे आगमन होणार असल्याचे सांगितले गेले. आता मुलीच्या जन्मानंतर दीपिका पादुकोण आणि रणवीर सिंह हे नव्या आणि आलिशान घरात शिफ्ट होणार आहेत.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List