अभिनेता सलमान खान कायम कोणत्या न कोणत्या कारणामुळे चर्चेत असतो. सलमान खान त्याच्या कुटुंबाबद्दल देखील अनेक गोष्टी चाहत्यांसोबत शेअर करत असतो. एकदा सलमान खान याने मोठा खुलासा केला होता. भाईजानने भाऊ अरबाज खान याच्या छातीमध्ये पेन्सिल भोसकली होती. ‘दस का दम’ शोमध्ये सलमान खान याने लहानपणी घडलेला किस्सा सांगितला होता. याबद्दल सलमान खान याच्या फार कमी चाहत्यांना माहिती आहे. सध्या सर्वत्र सलमान खान याची चर्चा रंगली आहे.
शोमध्ये सलमान खानबालपणीच्या आठवणी ताज्या करत म्हणाला, सलमान खान परीक्षा असल्यामुळे अभ्यास करत होता. तेवढ्यात अरबाज त्याठिकाणी आला आणि सलमान याला चिडवू लागला. परीक्षा कोणत्या विषयाची आणि अभ्यास कोणत्या विषयाचा करतोय… असं अरबाज, सलमान खान याला म्हणाला.
अरबाज सतत चिडवत असल्यामुळे सलमान याला देखील राग आला. अखेर रागावलेल्या सलमान खान याने हातात असलेला पेन्सिल अरबाजच्या दिशेने फेकली. अरबाज याला देखील पेन्सिल जोरात लागली आणि त्याला जखम देखील झाली. अशात दोन्ही भाव प्रचंड घाबरले… आई – वडील आता ओरडतील अशी भीती दोघांना वाटू लागली… असा खुलासा खुद्द सलमान खान याने शोमध्ये केला होता.
सांगायचं झालं तर, सलमान खान कायम त्यांच्या कुटुंबियांबद्दल अनेक गोष्टी चाहत्यांना सांगत असतो. शिवाय अभिनेता कुटुंबातील प्रत्येक व्यक्तीवर जीवापाड प्रेम करतो. सलमान खान याला अनेकदा अरबाज खान, सोहैल खान यांच्यासोबत देखील स्पॉट केलं जातं. अनेक सिनेमांमध्ये देखील सलमान याने भावांसोबत स्क्रिन शेअर केली आहे.
अरबाज, सोहैल यांनी देखील अनेक सिनेमांमध्ये महत्त्वाची भूमिका साकारली पण सलमान खान प्रमाणे दोघांना देखील बॉलिवूडमध्ये स्वतःची ओळख निर्माण करता आली नाही. अरबाज, सोहैल त्यांच्या प्रोफेशलन आयुष्यामुळे चर्चेत नसले तरी त्यांच्या खासगी आयुष्याची चर्चा तुफान रंगली.
सलमान खान याच्या आगामी सिनेमांबद्दल सांगायचं झालं तर, सलमान खान लवकरच ‘सिकंदर’ सिनेमाच्या माध्यमातून चाहत्यांच्या भेटीस येणार आहे. सिनेमात सलमान खान याच्यासोबत अभिनेत्री रश्मिका मंदाना पहिल्यांदा स्क्रिन शेअर करताना दिसणार आहे. चाहते देखील सिनेमाच्या प्रतीक्षेत आहेत.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List