चंद्रपूरात जुगार अड्ड्यावर धाड; हॉटेल मालकासह चार जणांवर कारवाई
चंद्रपूर शहराजवळ असलेल्या समृद्धी हॉटेलमध्ये सुरू असलेल्या जुगारावर स्थानिक गुन्हे शाखेच्या पोलिसांनी अचानक धाड टाकून हॉटेल मालकासह चार जणांवर कारवाई केली आहे. आरोपींकडून 2 लाख 23 हजार 50 रुपयांचा मुद्देमाल जप्त करण्यात आला आहे. अशोक मत्ते, शाम थेरे, धीरज चौधरी, अविनाश हांडे, दिपक पांडे अशी आरोपींची नाव आहेत.
गेल्या अनेक दिवसांपासून पोलिस हॉटेलात चालणाऱ्या जुगारावर पाळत ठेवत होते. काही महिन्यांपासून या हॉटेलात जुगार सुरू असल्याची माहिती पोलिसांना मिळाली होती. पाळत ठेवल्यावर माहितीची खातरजमा होताच पोलिसांनी कारवाई केली. या प्रकरणी पडोली पोलीस स्टेशन ला गुन्हा दाखल करण्यात आले आहे. पुढील तपास स्थानिक गुन्हे शाखा करत आहे.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List