नातेपुते परिसरात अवकाळीचे थैमान

नातेपुते आणि परिसराला शुक्रवारी (दि. 12) सायंकाळी वादळी वाऱयासह आलेल्या पावसाने झोडपून काढले. चाळीस ते पन्नास मिनिटे झालेल्या पावसाने निसर्गाचे रौद्ररूप पाहायला मिळाले. वादळामध्ये बाभळीची मोठी झाडे उन्मळून पडली. अनेक घरांचे नुकसान झाले. गारांच्या माऱयाने जनावरांसह अनेकजण जखमी झाले. या पावसात कोंबडय़ांचे खुराडे, शेळ्यांसाठी केलेले पत्र्याचे शेड, घराभोवती केलेले पत्र्याचे कुंपण वाऱयाने दूरपर्यंत फेकले गेले. या पावसाने शेती आणि फळबागांचे मोठय़ा प्रमाणात नुकसान झाले. अनेक ठिकाणी विजेचे खांब वाकल्यामुळे वीजपुरवठा खंडित झाला होता. भारतरत्न डॉ. बाबासाहेब आंबेडकर यांच्या जयंतीसाठी उभारण्यात आलेली सजावटीचेही पावसाने नुकसान झाले. मंडपमालक सुनील घुले यांनी याबाबत माहिती दिली. 14 एप्रिलपर्यंत पुन्हा नव्याने सजावट उभी करणार असल्याचे त्यांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.