महात्मा फुले कृषी विद्यापीठाच्या आंब्याला मिळाला उच्चांकी दर; विद्यापीठाला मिळाले 1 कोटी 63 लाखाचे उत्पादन

महात्मा फुले कृषी विद्यापीठाच्या आंब्याला मिळाला उच्चांकी दर; विद्यापीठाला मिळाले 1 कोटी 63 लाखाचे उत्पादन

राहुरीच्या महात्मा फुले कृषी विद्यापीठातील आंब्याला यंदा विक्रमी बाजारभाव मिळाला असून, या पिकातून विद्यापीठाला 1 कोटी 63 लाखांपेक्षा अधिक उत्पन्न मिळाले आहे. कृषी विद्यापीठाच्या खडकाळ प्रक्षेत्रावर विविध प्रकारच्या आंब्याची 6500 झाडे आहेत. केशर, वनराज, तोतापुरी, लंगडा, हापूस या आंब्यांपैकी केशर आंब्याला संपूर्ण महाराष्ट्रभर मागणी असते.

सालाबादप्रमाणे आंब्याचा सिझन सुरू झाल्याने राहुरी विद्यापीठाच्या प्रक्षेत्रावरील आंबा विक्री ई-टेंडर पद्धतीने करण्यात आली. आंबाविक्रीतून कृषी विद्यापीठाच्या तिजोरीत 1 कोटी 63 लाखांहून अधिकची रक्कम जमा झाली आहे. महात्मा फुले कृषी विद्यापीठाच्या खडकाळ प्रक्षेत्रावर केशर, तोतापुरी, लंगडा, हापूस, वनराज अशा वेगवेगळ्या नावाने ओळख असलेली आंब्याची झाडे आहेत.

कुलगुरू डॉ. प्रशांतकुमार पाटील यांच्या मार्गदर्शनाखाली यंदा आंबा उत्पादनात वाढ झाली असून, विक्री पद्धतीमध्ये केलेल्या बदलांमुळे कृषी विद्यापीठास यंदा अधिकचा महसूल प्राप्त झाला आहे. आंबा उत्पादनवाढीसाठी प्रक्षेत्रावरील अधिकारी व कर्मचाऱयांनी आंबा बागांचे खत व्यवस्थापन, पाणी व्यवस्थापन तसेच किडींचे केलेल्या योग्य व्यवस्थापनाबाबत विशेष काळजी घेण्यात आली. यापूर्वी सन 2022 मध्ये आंबा विक्रीतून कृषी विद्यापीठास 1 कोटी 25 लाख रुपयांचा महसूल मिळाला होता. यावर्षी मध्यवर्ती रोपवाटिका विभाग तसेच ‘अ’ व ‘ब’ विभागातील प्रक्षेत्रावर नव्याने 3700 आंबा रोपांची लागवड केलेली आहे. आगामी काळात कुलगुरू डॉ. पी. जी. पाटील यांच्या मार्गदर्शनाखाली विद्यापीठाच्या प्रक्षेत्रावर आंबा लागवडीखालील नवीन क्षेत्रात वाढ करण्यात येणार आहे. जेणेकरून विद्यापीठास कायमस्वरूपी महसूल प्राप्त होईल.

आंबा फळपिकासाठी कृषी विद्यापीठाचे संशोधन संचालक डॉ. सुनील गोरंटीवार, कुलसचिव अरुण आनंदकर, नियंत्रक सदाशिव पाटील, अधिष्ठाता डॉ. श्रीमंत रणपिसे, बियाणे विभागाचे प्रमुख शास्त्र्ाज्ञ डॉ. आनंद सोळंके तसेच उद्यानविद्या विभागप्रमुख डॉ. बी. टी. पाटील यांचे सहकार्य लाभत आहे.

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

उद्योगविश्व – मंगळवेढ्याची बासुंदी उद्योगविश्व – मंगळवेढ्याची बासुंदी
>>अश्विन बापट मंगळवेढ्याच्या माळी कुटुंबीयांचा बासुंदीचा चार पिढ्यांचा व्यवसाय असून त्यांच्या बासुंदीला मागणी वाढत आहे. भविष्यात बासुंदीमध्ये अंगूर बासुंदी, सीताफळ...
पश्चिमरंग – शूमनचा कार्नवल
सरकारी घर घेऊनही निकम यांनी हॉटेलची बिले उकळली! सचिन सावंत यांनी सादर केली बिले
गुलदस्ता – आवडत्या माणसाला भेटण्याची आस
सृजन संवाद- रामराज्य – रामाच्या कल्पनेतले!
कायदेशार सल्ला – परस्पर संमतीने घटस्फोट महत्त्वाचा
मागोवा – अभिव्यक्तीचे वारे…